பனித்துளி சங்கரின் கவிதை - நினைவு தேசம்

 எத்தனை உலக அதிசயங்கள்

 உன்னை மட்டுமே சுற்றி சுற்றி

மகிழ்ச்சி கொண்டேன்

எத்தனை இயற்கை அதிசயங்கள்

உன் அன்பான வார்த்தைகளில்

 மட்டுமே தெரிந்துகொண்டேன் .

எத்தனை விபத்துக்கள்

பூகம்பம்கூட செய்யாத மாற்றத்தை

உனது இதழோர

புன்னகையில்தான் உணர்ந்துகொண்டேன் .

இறந்து போவது

உடல்கள் மட்டும் இல்லை

உணர்வுகளும்தான் என்பதை

நீயின்றி தவித்த தருணங்கள்தான்

எனக்கு கற்றுத்தந்தது .

உன் மடியில் தலை சாய்த்து

உறங்கிப்போன நிமிடங்களை எல்லாம்

 மீண்டும் புதிப்பிக்க

முயற்சித்து தோற்றுப்போகிறேன் .

இறந்து போவேனோ

என்பதற்காக சுவாசிக்கவில்லை

ஒரு வேளை

உன் நினைவுகளை மறந்துபோவேனோ

என்பதற்காக மட்டுமே

சுவாசித்துக்கொண்டிருக்கிறேன் .!

 

 

இந்த பதிவு அனைவரையும் சென்றடைவதற்கு எளிதாக மறக்காமல் உங்கள் ஓட்டுக்களை தமிழ்மணம், தமிழிஷ் மற்றும் தமிழ்10-ல் குத்தவும்.

Tweet