! ❤ பனித்துளி சங்கர் ❤ !

பனித்துளி சங்கர் தமிழ் கவிதைகள், Tamil Kavithaigal SMS Love poem Panithuli shankar 2012

2012-01-25T05:14:00.000+09:00

பனித்துளி சங்கர் - நினைவுகள் ஆயிரம் சார்லி சாப்ளின் - Charlie chaplin Real Life

2012-01-10T02:04:00.000+09:00

என்னை அழவைத்த

இந்த உலகத்தை சிரிக்க வைக்கவே

நான் இந்த சினிமா

உலகத்தை தேர்ந்தெடுத்தேன்--------

- சார்லி சாப்ளின்.

பனித்துளி சங்கர் காதல் கவிதை - Kadhal Kavithai / Love Poem - முகவரி மரணம்

2012-01-05T03:54:00.000+09:00

பெயர் தெரியாத தெருக்களில்

யாருமற்ற சாலைகளில்

இன்னும் என்னுள் மீதம் இருக்கும்

அவளின் நினைவுகளுடன்

சுற்றித் திரிகிறேன்

மரணத்தின் முகவரி தேடி .....

-பனித்துளி சங்கர்

2012 புத்தாண்டு வாழ்த்துக்கள் வாழ்த்துக்கள் கவிதைகள் - பனித்துளி சங்கர் 2012 new years kavithaigal

2012-01-01T11:33:00.000+09:00

இதயம் ஒரு வெற்று காகிதம்தான்

வருடத்தின் இறுதி நாள் இன்று .

இதுவரை நிறைவு பெறாத

ஆசைகளும் , கனவுகளும் மட்டுமே

இதில் நிரப்பப்பட்டு இருந்தது இதுநாள் வரை .

அவற்றிற்கும் விடுமுறை கொடுக்கும்

தூரம் அருகில் வந்துவிட்டது . இன்னும்

சில மணி நேரங்கள் மட்டுமே மீதம் உள்ளது . !

கனவுகள் கூட கணக்கத் தொடங்கிவிட்டது

இனியும் போலியாய் உறங்குவதில் என்ன நியாயம்?

இதுநாள் வரை நிழல்களுடன்

நிஜங்களாக வாழ்ந்தது போதும்.

இனியும் நிழலில் நிஜங்களை

இழக்க விருப்பம் இல்லை.!

ஆசைகளை மட்டும் அடுக்கி அடுக்கி

நிறைவேறவில்லையே என்று தினம்

எண்ணி எண்ணி பாதி தாகம் தீர்த்த

அந்த அவல நாட்கள் இனியும் வேண்டாம்.!

கவலைகளை மட்டுமே எண்ணி எண்ணி

இரவுகளில் எல்லாம் விழிகள் தூக்கம் தொலைத்த

அந்த இரவுகளைக் கூட

நான் எண்ணிப் பார்க்க விரும்பவில்லை !.

நாளை நாளை என்று தினங்களும்,

வாரங்களும் ,மாதம் கடந்து, இன்று

வருடம் இழக்கும் நிலைக்கு வந்துவிட்டது.!

துப்பும் எச்சில் கூட

தூரம் சென்று விழவேண்டும்

என்று எண்ணுகிறது மனது.

ஆனால் தோல்விகளை மட்டும்

தோள்களில் சுமக்க எப்படித்தான்

விரும்பியே ஏற்கிறதோ தெரியவில்லை.!

இனி வரும் நாட்களில் முடிவுரைகள் கூட

முற்றுப்புள்ளியின்றிதான் எழுதப்படும்.

இதுநாள் வரை தோல்விகள் சுமந்த

இந்த தோள்கள் இனி வரும் நாட்களில்

இமயம் தாண்டும் சாதனைகளை சுமக்கும்.!

இதுநாள் வரை உதடு சுழித்து

உதறித் தள்ளிய பணிகள்

எல்லாம் பனித்துளி வசிக்க புதிதாய்

புன்னகையுடன் ஒரு பூந்தோட்டம் அமைக்கும்.

கல்விக்காக மூடியக் கதவுகளை

தட்டி தட்டி முற்றுப்புள்ளி எட்டிய

கனவுகளுக்கு எல்லாம் இனி விடுமுறை !

இனி வரும் நாட்களில் ஏழைகள்

இமை திறக்கும் திசையெல்லாம்

கல்விக் கூடங்கள் திறந்தே இருக்கும்.!

நாம் சாலை கடக்கும் நேரம் எல்லாம்

பசியால் கையேந்திய ஏழைகளை இனி

பார்ப்பது கூட கடவுளை

பார்ப்பது போல் தோன்றும் நிலை வரும்.!

ஏற்றத் தாழ்வுகள் என்ற வார்த்தைகளே

உலக அகராதியில் இருந்து நீக்கப்படும்.

இனி வரும் நாட்களில் எல்லாம்

எல்லோருக்கும் ஏற்றம்தான் என்ற

புதுமை வார்த்தைகள் ஒவ்வொருவரின்

சுவாசக் காற்றிலும் அச்சிடப்படும் !.

இப்படி புதிதாய் பல இலட்சியங்களை

நான் நிரப்பத் தொடங்கிவிட்டேன்

இன்று என் இதயம் ஒரு வெற்று காகிதம்.!

எதிர்காலத்திற்கு என்று எண்ணி எண்ணி

சேர்த்து , நிகழ்காலத்தில் வாழாமல்

வசந்தமின்றியே இறந்துவிட்டது வாழ்க்கை.

இனியும் அறிந்தே இந்த தவறுகள் வேண்டாம்.

நாளை முதல் உங்களின் இதயங்களும்

ஒரு வெற்று காகிதம்தான் .

அதில் நிரப்பத் தொடங்குங்கள்

பல இலட்சிய எண்ணங்களை .

இது நாள் வரை விலை கொடுத்து

வாங்கிய புன்னகை எல்லாம்

இனி உங்களின் இதழ்களின்

பக்கத்தில் காத்து கிடக்கும்.

நீங்கள் தொலைத்த வெற்றிகள் எல்லாம்

இனி உங்களுக்கு

ஒரு புது முகவரி தேடித் தரும் .

புன்னகையே உங்களுக்காக இதழ்களின்

பக்கத்தில் காத்து கிடக்கும் பொழுது

புதிதாய் பிறக்கும் இந்த புத்தாண்டு காத்திருக்காதா என்ன .?

நம்பிக்கையுடன் அடியெடுத்து வையுங்கள்

வெற்றி நிச்சயம்.!

பதிவுலக நண்பர்கள் மற்றும் அனைத்து நட்பின் உறவுகளுக்கும் என் இனிய ADVANCE புத்தாண்டு நல்வாழ்த்துக்கள்.!

இது கடந்த வருடத்திற்கு நான் எழுதிய மீள் கவிதை

இந்த பதிவு அனைவரையும் சென்றடைவதற்கு எளிதாக மறக்காமல் உங்கள் ஓட்டுக்களை தமிழ்மணம், தமிழிஷ், உலவு.காம் மற்றும் தமிழ்10-ல் குத்தவும்.

பனித்துளி சங்கர் - கின்னஸ் சாதனை புத்தகம் வரலாறு - Guinness book of world records Panithuli shankar

2011-12-31T15:27:00.002+09:00

அனைத்து உறவுகளுக்கும் வணக்கம் உங்கள் அனைவரையும் நீண்ட பிரிவுக்குப் பின் மீண்டும் சந்திப்பதில் மிக்க மகிழ்ச்சி அடைகிறேன் . கடந்த சில மாதங்களாக புதிய படிப்பிற்கான தேர்வு சுமை சற்று அதிகரித்திருந்ததால் தொடர்ச்சியாக பதிவுகள் எதுவும் தர இயலவில்லை . சரி கடந்தவை எல்லாம் ஒருபக்கம் இருக்கட்டும் உங்கள் அனைவரிடமும் தகவல்களைப் பகிர்ந்து பல மாதங்களைக் கடந்துவிட்டேன் . அதை இனி தினம்தோறும் வெளிவரும் பதிவுகள் பூர்த்தி செய்யும் என்று நம்புகிறேன் .

நண்பர்கள் பலர் மெயில் வழியாகவும் தொலைபேசி வழியாகவும் தொடர்புகொண்டு கவிதைகள் பற்றி தங்களில் விமர்சனங்களையும் வாழ்த்துக்களையும் பகிர்ந்துகொண்டது எனக்கு மிகவும் மகிழ்ச்சியை தந்தது. ஒவ்வொருவருக்கும் தனித் தனியாக பதிவுகள் கொடுத்து நன்றி சொல்ல வேண்டும் என்று ஆசைதான் ஆனால் நேரமின்மையால் அது இயலவில்லை. ஆகவே, இந்த பதிவின் வாயிலாகவே அனைத்து அன்பின் உள்ளங்களுக்கும் எனது ஆயிரமாயிரம் நன்றிகளை தெரிவித்துகொள்கிறேன் .

சரி உறவுகளே..! இனி இன்றைய தகலவளைப் பற்றி தெரிந்துகொள்ளலாம் . தகவல் என்றதும் பலருக்கு சலிப்புத் தட்டி விடும் . இதை எதற்கு சொல்கிறேன் என்றால் பல வருடங்களுக்கு முன்பு எனது மனநிலையும் இந்த வார்த்தைக்குள் தான் அடகு வைக்கப்பட்டிருந்தது . ஆனால் இன்று தினமும் தீர்ந்து போகாத சுவாசத்தைபோலவே இந்த தகவல் தாகமும் தொற்றிக் கொண்டுவிட்டது. இன்னும் என்னவெல்லாம் இந்த உலகத்தில் மறைந்து கிடக்கிறது ? இல்லை நம்மைப் போன்றவர்கள் மறந்து கிடக்கிறோமோ ? என்ற கேள்விகளும் சில நேரம் இதயத்தை முற்றுகையிடத் தொடங்கிவிடுகிறது. சரி இவையெல்லாம் ஒருபக்கம் இருக்கட்டும் இனி நாம் தகவலுக்கு வருவோம் .

உலகத்தில் இன்று சிறியவர் முதல் பெரியவர் வரை பலரும் சாதிக்கத் துடிக்கும் அதீத ஆர்வத்தை தினம்தோறும் செய்தித் தாள்களிலும், தொலைக்காட்சிகளிலும் பார்த்துக் கொண்டிருக்கிறோம். இந்த சாதனை வெறும் வார்த்தைகளில் மட்டும் நின்று போகாமல் இந்த உலகத்தில் மனிதன் வாழும் வரை நிலைத்திருக்கும் அளவிற்கு சாதனைகளின் பொக்கிஷமாக ஒரு புத்தகம் உருவாக்கி வைத்தார்கள் நம் முன்னோர்கள் அதுதான் கின்னஸ். நம்மில் அனைவரும் இந்த சாதனை சிகரத்தை எட்ட முடியாமல் போனாலும் இந்த புத்தகம் யாரால் எப்பொழுது உருவாக்கப் பட்டது என்பதைப் பற்றியாவது தெரிந்துகொள்ளலாமே ஆர்வத்தின் முடிவுதான் இந்தப் பதிவு என்று சொல்லலாம் .

கின்னஸ் புத்தகம் சுருக்கமாக சொல்லவேண்டும் என்றால் ஒரு நதிக்கரையில் தோன்றிய ஆச்சரிய சந்தேகத்தில் விதை ஊன்றப்பட்டதுதான் இந்த கின்னஸ் புத்தகம் என்று சொல்லவேண்டும். ஆம் நண்பர்களே..!அயர்லாந்து நாட்டை சேர்ந்த ‘சர்க்யூ பீவர், என்பவர்தான் இந்த கின்னஸ் புத்தகத்தை உருவாக்க வி(தை )டை தேடியவர் என்று சொல்லலாம் . பலருக்கு இவர் யார் என்ற சந்தேகங்களும் வாசிப்புடன் தொடர்ந்துகொண்டே இருந்திருக்கக் கூடும் அதையும் சொல்லிவிடுகிறேன்.

அயர்லாந்து நாட்டில் இருந்து கின்னஸ் வாட் என்ற சாலையின் நிர்வாக இயக்குனராக இருந்தவர்தான் இந்த ‘சர்க்யூ பீவர், என்பவர் .இவர் எப்பொழுதும் மாலை நேரத்தில் வேட்டைக்கு செல்வது வழக்கம் . இப்படித்தான் அன்றையப் பொழுதும் நதிக்கரை ஓரமாக வேட்டைக்கு சென்று கொண்டிருந்தார் அப்பொழுது ஏதோ ஒரு தங்க நிற ஒளியுடன் வானத்தில் வரிசையாக ஒரு கூட்டம் தன்னை நோக்கி வருவதை அறிந்தார் சற்று நேரம் செல்ல செல்ல அவை ஒரு பறவை இனம் என்று அறிந்த பீவர் அந்த பறவைகளில் ஒன்றை வேட்டையாட எண்ணி தனது பாக்கெட்டில் இருந்த துப்பாக்கியை வெளியில் எடுத்து நிமிர்ந்து பார்த்தபோது அந்த பறவை கூட்டம் பார்வைகளுக்கு எட்டாத தூரத்தில் எங்கோ சென்றிருந்ததாம் .

அப்போது இவரின் மூலையில் தோன்றிய அந்த சந்தேகம் உலகத்தில் மிகவும் வேகமாக பறந்து செல்லக் கூடிய பறவை இனம் இதுவாகத்தான் இருக்குமோ என்ற ஆச்சரியம்தான் இன்று உலகத்தில் பல உயிர்களையும் பொருட்படுத்தாமல் சாகசங்கள் நிகழ்த்தி இடம்பெறத் துடிக்கும் இந்தக் கின்னஸ் புத்தகத்தை ஏற்படுத்தியது என்றால் பார்த்துகொள்ளுங்கள். அன்று அவரையும் மின்னல் வேகத்தில் கடந்து சென்ற பறவைகளின் பெயர் கோல்டன் ப்ளவர் என்று நான்கு ஆண்டுகளுக்குப் பின்தான் அவருக்கே தெரிய வந்ததாம். தான் ஒருவனாக இந்த ஆச்சரியம் குவிந்த புத்தகத்தை உருவாக்க இயலாது என்று உணர்ந்த பீவர், அவர் உடனே லண்டன் சென்றார். அங்கு அரசாங்கத்திற்காக புள்ளி விவரங்கள் சேகரிக்கும் நோரிஸ் மைக் வைக்ட்டர், ரோஸ் மைக் வைக்ட்டர் என்ற இரட்டைச் சகோதரர்களைச் சந்தித்தார்.

தனது புதிய புத்தக யோசனையை தெரிவித்தார். அவர்களும் ஒத்துழைப்புதர முன்வந்தனர். மூவரின் உழைப்பில் பிறந்ததுதான் கின்னஸ் புத்தகம். முதல் கின்னஸ் புத்தகம் 1955ம் ஆண்டு ஆகஸ்ட் 27ல் 198 பக்கங்களுடன் மூவரின் உழைப்பில் பிறந்ததுதான் கின்னஸ் புத்தகம். இன்னதக் கின்னஸ் புத்தகத்தின் சிறப்பைபோலவே இதில் சில மர்மங்களும் மறைந்திருக்கிறது கின்னஸ் புத்தகம் இடையில் 1957, 1959 ஆகிய இரண்டு ஆண்டுகளில் மட்டும் வெளியிடவில்லை இதற்க்கானக் காரணங்கள் மிகவும் ரகசியமாகவே வைக்கப்பட்டிருக்கிறது என்றால் பார்த்துகொள்ளுங்கள் .

தொடக்கத்தில் ஆங்கிலத்தில் மட்டுமே வெளிவந்த இந்த சாதனை புத்தகம் இன்று நாற்பதுக்கும் மேற்ப்பட்ட மொழிகளில் வெளிவருகிறது. இதில் இன்னும் மிகவும் வியப்பிற்குரிய தகவல் என்னவென்றால் ஐக்கிய அரபு நாடுகளின் போது நூலகங்களில் இருந்து இந்தப் புத்தகங்கள் ஆயிரத்திற்கும் அதிகமாக திருட்டு போகிவிடுவதாக அந்த அரசாங்கங்கள் தகவல் தெரிவித்து இருக்கிறார்கள் என்றால் பார்த்துகொள்ளுங்கள் இந்தப் புத்தகத்தில் புதைந்து கிடக்கும் ஆச்சரியத்தின் ஆர்வத்தை .

புத்தாண்டுச் சிறப்புத் தகவல்

BSNL வாடிக்கையாளர்கள் விரும்பும் எண்ணை தேர்ந்தெடுக்கும் வசதியை CHOOSE YOUR MOBILE UMBER (CYM ) SCHEME என்ற திட்டத்தை இணைய தளத்தில் அறிமுகப்படுத்தி இருக்கிறது. இதன் மூலம் அவர்கள் கொடுத்துள்ள 1 இலட்சத்திற்கும் மேற்பட்ட எண்களில் இருந்து நமக்கு தேவையான எண்ணை தேர்ந்தெடுத்துக் கொள்ளலாம். 6 வழிகளில் தேடக்கூடிய வகையில் உள்ளது. இதன் மூலம் எளிதாக நமக்கு தேவையான எண்ணை தேர்வு செய்யலாம்.

பின்னர் ரிசர்வ் நெம்பர் என்பதை க்ளிக் செய்வதன் மூலம் நம்முடைய செல்போன் எண்ணிற்கு SMS மூலம் ஒரு PIN எண் அனுப்பப்படுகிறது. அது 72 மணிநேரத்திற்கு செல்லுபடியாகும். அதனை கொண்டு BSNL அலுவலகம் அல்லது Retailers -ஐ அனுகி ஆக்டிவேட் செய்து சிம் வாங்கிடலாம். இதில் கூடுதலாக (SMS) குறுஞ்செய்தி அனுப்பியும் ரீடெய்லர் மூலமும் பதிவு செய்யும் முறையும் உள்ளது. உண்மையிலேயே இது மிகவும் அருமையான திட்டம் மற்றும் சேவையாகும். கூடுதல் விவரங்களுக்கு இந்த இணைப்பை க்ளிக் செய்து அறியலாம். புதிய விருப்ப எண்ணை பதிய விரும்புவர்கள் கீழ்க்கண்ட சுட்டிகளை க்ளிக் செய்து பயன்பெறலாம்.

சென்னை டெலிகாம் சர்க்கல் வாடிக்கையாளர்கள்

தமிழ்நாடு டெலிகாம் சர்க்கல் வாடிக்கையாளர்கள்

என்ன உறவுகளே..!இன்றையப் பதிவும் உங்கள் அனைவருக்கும் பிடித்திருக்கும் என்று நம்புகிறேன். மறக்காமல் உங்களின் கருத்துக்களை பதிவு செய்துவிட்டு செல்லுங்கள் .

அனைவருக்கும் இனிய ஆங்கிலப் புத்தாண்டு 2012ன் நல்வாழ்த்துகள்.

என்றும் நேசமுடன்

உங்கள் பனித்துளி சங்கர்.

* * * * * * *

பனித்துளி சங்கர் காதல் கவிதைகள் -நிழல்கள் - நினைவுகள் - Tamil Kadhal akavithaigal 09.12.2011

2011-12-10T05:03:00.000+09:00

உன் வார்த்தைகளை விட

உன் மௌனத்தை அதிகம் நேசிக்கிறேன் .

உன் புன்னகையை விட

உன் கோபத்தை அதிகம் சுவாசிக்கிறேன் .

என்னை கொலை செய்ய

உந்தன் ஒரு சொட்டுக் கண்ணீர் போதும் .

என்னக்கு உயிர் கொடுக்க

உந்தன் சில நொடி புன்னகை போதும் .

உன்னை எண்ணிக்கொண்டே

தனிமையில் நடப்பதும்

உன் நினைவுகள் சுமந்துகொண்டே

கனவினில் மிதப்பதும் என்னில்

நிழலெனத் தொடர்கிறது தினம் தினம் !..

-பனித்துளி சங்கர்

Why This Kolaveri Di Full Song Promo Video in HD - ஒய் திஸ் கொலை வெறி டி -3 movie Panithuli shankar songs collection 26 April 2011

2011-11-26T06:13:00.006+09:00

தனுஷே , , , எழுதி, , , , தனுஷே , , , பாடிய , , , 'ஒய் , , , திஸ் , , , கொலை , , , வெறி , , , டி' , , , பாடல் , , , - , , , வீடியோ,தனுஷே , எழுதி, , தனுஷே , பாடிய , 'ஒய் , திஸ் , கொலை , வெறி , டி' , பாடல் , - , வீடியோ,Why , This , Kolaveri , Di , Full , Song , Promo , Video , in , HD ,

நம்பிக்கை கவிதைகள் - வாழ்வின் ருசி - பனித்துளிசங்கர் Nambikkai kavithaigal in tamil

2011-11-15T04:52:00.009+09:00

நாற்பது வயதில் சாய்வு நாற்காலி தேடும்

இந்த காலத்தில்

எழுபது வயதில்

உழைக்கவேண்டி உதிரம் துடிக்கிறது .

விற்கக் கூடுமா பலகாரம் என்று எண்ணுவதை விட

விற்றுத்தான் ஆகவேண்டும் என்ற கட்டாயம்

வயிற்றுப் பசியிலும் ,

வாழ்க்கையின் ருசியிலும் ஊறிப்போனது.

வகை வகையாய் பலகாரங்கள் விற்றாலும்

தினமும் இந்த ஒரிச்சான் வயிறு பசிபோக்க

கொஞ்சோண்டு கஞ்சிதான்

நாளையும் இந்த தேகம் உழைக்க ஊன்றுகோல் !

-பனித்துளி சங்கர்

காதல் புன்னகை - Kadhal Kavithaigal - பனித்துளி சங்கர் -Tamil Haiku SMS காதல் கவிதைகள் Panithuli shankar

2011-10-25T01:58:00.007+09:00

ஒரு பூகம்பம்

வந்து சென்ற தடமும் ,

உன் சிறு புன்னகை

தந்து சென்ற உணர்வும்

ஒன்றாய் உள்ளத்தில் !

-பனித்துளி சங்கர்

மயக்கம் என்ன >Mayakkam enna Watch movie Songs - Naan Sonnadhum Mazhlai - Panithuli shankar songs collection

2011-10-11T22:59:00.000+09:00

பாடியவர்கள்: நரேஷ் ஐயர்,சைந்தவி

படம்: மயக்கம் என்ன

இசை: ஜி.வி.பிரகாஷ்

பாடல்: செல்வராகவன்

நான் சொன்னதும் மழை வந்துச்சா

நான் சொல்லல வெயில் வந்துச்சா

அடி ரெண்டுமே இதம் தந்துச்சா

முத்து முத்து பேச்சி

என் கண்ணுல பொய் இருக்கா

உன் கண்ணோட மை கிறுக்கா

அடி கள்ளியே அறிவிருக்கா

என் மூச்சி நின்னு போச்சு

காத்தோடு காத்தாக உள்ள வந்தியா

காட்டோட காடாக கட்டிபோட்டியா

ஊத்தாத ஊத்தெல்லாம் உள்ள ஊத்துது

என் பேச்செல்லாம் நின்னு போயி மூளை சுத்துது

நான் சொன்னதும் மழை வந்துச்சா

நான் சொல்லல வெயில் வந்துச்சா

அடி ரெண்டுமே இதம் தந்துச்சா

முத்து முத்து பேச்சி

கருவாட்டு கொழம்பா நீயும் ருசி ஏத்துற

ஒரு வாட்டி தின்னு பார்க்க உசுப்பேத்துற

அடி போடி போடி போடி பொட்ட மயிலே

ஓலை ஏதும் வந்துச்சா

உன்ன தூக்கி போக தான் வருவேனுன்னு

கிளி வந்து பதில் சொல்லுச்சா

கரு நாக்கு கார புள்ள

கருப்பட்டி நிறத்து முல்ல

எடுபட்ட நெனப்பு தொல்ல

நீ களவாணி

ஓஓ கருவாட்டு கொழம்பா நீயும் ருசி ஏத்துற

ஒரு வாட்டி தின்னு பார்க்க உசுப்பேத்துற

நான் சொன்னதும் மழை வந்துச்சா

நான் சொல்லல வெயில் வந்துச்சா

அடி ரெண்டுமே இதம் தந்துச்சா

முத்து முத்து பேச்சி

ஆடு ... ஆடு ...

ஆத்தாடி ஆடு மேய்க்க ராசா வந்தாரா

எங்க ஆடு தின்ன எச்சி புல்ல மேய வந்தாரா

அடி போடி போடி போடி முட்ட கன்னி

கட்டம் கட்டி பாஞ்சேன்

அட கண்ணை மூடி கொஞ்சம் சாஞ்சா போதும்

கனவுல தீ மிதிச்சேன்

கண்ணாடி வளையல் தாரேன்

காதுக்கு ஜிமிக்கி தாரேன்

கழுத்துக்கு தாலி தாரேன்

நீ வர்றியாடி

கருவாட்டு கொழம்பா ஆ ஆ... நீயும்... ருசி ஏத்துற

நான் சொன்னதும் மழை வந்துச்சா

நான் சொல்லல வெயில் வந்துச்சா

அடி ரெண்டுமே இதம் தந்துச்சா

முத்து முத்து பேச்சி

என் கண்ணுல பொய் இருக்கா

உன் கண்ணோட மை கிறுக்கா

அடி கள்ளியே அறிவிருக்கா

என் மூச்சு நின்னு போச்சு

காத்தோடு காத்தாக உள்ள வந்தியா

காட்டோட காடாக கட்டிபோட்டியா

ஊத்தாத ஊத்தெல்லாம் உள்ள ஊத்துது

என் பேச்செல்லாம் நின்னு போயி மூளை சுத்துது.

இதயத்தின் ஓசைகள் - காதல் கவிதைகள் - Panithuli shankar Kadhal kavithaigal

2011-10-06T21:44:00.011+09:00

உடலோடு உயிர்
வருவது காதலா !?
உயிரோடு உடன் வருது காதலா..!
உடல் விற்றேன் மனந்தவளிடம்
இதயம் விற்றேன் என்னை உணர்ந்தளிடம்.....!

உன் அறிமுகத்தின்
முதல் நாள் மீண்டும் ஒரு குழந்தையாய்
இந்த உலகம் மறக்க செய்தாய்....
உந்தன் சந்திப்புகளை எண்ணிப் பார்க்கும்
ஒவ்வொரு நிமிடமும்
இன்னும் சிறிது நீளாத
இந்த கணங்கள் என்ற ஏக்கம்
இப்போதும் இதயத்தில் பசுமையாய் !

நீண்ட உரையாடல்களுக்கு இடையினில்
உன் வார்த்தைகள் இல்லாத மவுனத்தில்
பல முறை
அர்த்தம் தேடி தொலைந்து போயிருக்கிறேன் .!

உன் மடி சாய்ந்து உறங்கிப்போன
நிமிடங்கள் ஒவ்வொன்றும்
என் வாழ்வில் நான் பெற்ற
மிகப்பெரிய பொக்கிஷம் என்றாகிப்போனது . !

என் தனிமைகளின் ஒவ்வொரு
இரவுகளும் உன் ஞாபகங்களின்
எல்லைக்குள் சிறைவைக்கப்பட்டிருக்கிறது . !

சிறு எறும்பு கடித்து
துடித்துப் போகும் குழந்தை ஒன்றின்
அழுகை சத்தமும்
உன் நினைவுகள் சுமந்து
ரணப்படும் என் இதய சத்தமும்
இப்பொழுதெல்லாம் ஒன்றாகிபோகிறது .!

உன்னுடன் உரையாடி
இந்த உலகம் மறந்த நிமிடங்கள் .
இப்பொழுதெல்லாம் உன் நினைவுகள் சுமந்து
இறந்துபோகத் துடிக்கிறது .!

காதல் செய்வதும்
பிரிந்து அழுவதும்
வாடிக்கையாகிப் போன இந்த உலகத்தில்
நமது கண்ணீரும் இன்னும் சில நாட்களே !.....

-பனித்துளி சங்கர்.

ஜோக்ஸ் நகைச்சுவை சிரிப்பு - கடி ஜோக்ஸ் கதைகள் - Tamil Jokes - Comedy -SMS Nagaichuvai - Panithuli shankar

2011-09-28T14:05:00.001+09:00

அனைத்து உறவுகளுக்கும் வணக்கம். உங்கள் அனைவரையும் நீண்ட நாட்களுக்குப்பின் சிரிக்கலாம் வாருங்கள் என்ற பதிவின் வாயிலாக மீண்டும் சந்திப்பதில் மகிழ்ச்சி. தினம் தினம் ஒரே வேலை மூச்சு விடுவதற்குக்கூட நேரம் இல்லை என்று போலியாய் சொல்லிக்கொள்ளும் முகமூடி மனிதர்களுக்கு இந்த சிறிய நகைச்சுவைப் பதிவு சமர்ப்பணம். பொதுவாக சோகங்களை யாரும் பகிர்ந்து கொள்வதில்லை என்றபோதிலும் இப்பொழுதெல்லாம் மகிழ்ச்சியையும் பகிர்ந்துகொள்ள மறந்து போய்விடுகிறோம். காரணம் கேட்டால் ஒவ்வொருவரிடமும் ஓராயிரம் பதில்கள் தேங்கிக்கிடக்கிறது.

சரி நண்பர்களே..! எதுஎப்படியோ இயன்றவரை தினமும் சிறிது நேரமாவது சிரித்து மகிழுங்கள். நாம் தினமும் ஒரு நிமிடம் சிரிப்பது தினமும் இரண்டு மணி நேரம் உடற்பயிற்சி செய்வதற்கு நிகர் என்று ஒரு ஆராய்ச்சி கூறுகிறது. ஆராய்ச்சி சொல்வதையா நம்புவது என்று எண்ணத் தோன்றினாலும் சில நேரம் அந்த ஆராய்ச்சிக்குள் மனிதர்களாகிய நமது யதார்த்த வாழ்க்கை அடகுவைக்கப் பட்டிருப்பதையும் மறுக்க முடியாமல் போய்விடுகிறது. சரி நண்பர்களே இதோ நான் சிரித்து மகிழ்ந்த சில நகைச்சுவை துணுக்குகளை உங்களுடன் பகிர்ந்துகொள்கிறேன். நீங்களும் சிரித்து பகிர்ந்து மகிழுங்கள். நாம் விதைக்கும் புன்னகை நாளை யாரேனும் ஒருவரின் பகிர்வில் மீண்டும் நமக்கு கிடைத்துப்போகலாம்.

**************

தலைவர் : என்னப்பா மேடையில ஓடா வந்து விழுது…?

தொண்டர் : ஓட்டை அள்ளி வீசுங்கன்னு சொன்னதை தப்பா புரிஞ்சிக்கிட்டாங்க..

***************

"டேய் முட்டாளுக்கும் அடிமுட்டாளுக்கும் என்ன வித்தியாசம்?"

"நாங்கள்லாம் முட்டாள்கள் சார், நீங்க எங்களை அடிக்கிறதுனால

நீங்க அடிமுட்டாள் சார்."

***************

டென்த் படிக்கறபவே உங்க பையனுக்கு பிரைம் மினிஸ்டர் மூளை.

நிஜமாவா?

ஆமா எந்தகேள்வியைக்கேட்டாலும் பதில் சொல்லாம இடிச்ச புளி போல் இருக்கான்.

****************

பையன் : உங்க குடும்ப நன்மையை உத்தேசித்து இந்தக் கேள்வி, எப்ப நீங்க கல்யாணம் பண்ணிக்கப் போறீங்க ?

பெண் : செருப்பாலடிப்பேன், அதைக் கேட்க நீ யாரு ?

பையன் :ஹும்... உங்க தங்கையோட லவ்வர் தான்.

*****************

அவளை நினைத்து

ஒரு கவிதை !

-
-

எழுதி அவளிடம்

கொடுத்தேன் !

வாங்கி படித்து விட்டு !

கேட்டா பாரு ஒரு கேள்வி ?

"அண்ணா.....யாரையாச்சும் லவ் பண்ணுறீங்களா?"

****************

"உங்களுக்கு என்ன பிரச்சினை?"

"லுங்கியைப் பல்லால கவ்விக்கிட்டு பேன்ட் கழட்றப்ப கொட்டாவி வராம இருக்க என்ன செய்யணும் டாக்டர்?

****************

நாம் நினைப்பெதெல்லாம் நடக்க ஆரம்பித்தால் என்ன ஆகும்?.

டிராபிக் ஜாம் ஆயிடும் :-)

****************

நான் இந்தக் கோவிலுக்கு நாலு வருஷமா வந்துட்டிருக்கேன்.. தெர

"உங்க வீடு என்ன அவ்வளோ...தூரமா இருக்கு?"

**************

வித்வான் : நேத்து என் கச்சேரிக்கு வருவீங்கன்னு எதிர்பார்த்தேன்.

நம்மவர் : வரனுணும்னுதான் சார் நினைச்சேன்.அதுக்குள்ள வேறொரு கஷ்டம் வந்திருச்சி!.

***************

பரீட்சைக்கு பிறகு…

மாணவன் 1 : மச்சி நாலு பெஞ்ச் கேப் இருந்தும் எப்டி டா, அசராம பாத்து எழுதுற

மாணவன் 2 : thanks to vaasan eye care !!!

***************

"ஆனாலும் நம்ம தலைவர் இப்படி விதண்டாவாதமா பேசக் கூடாது!"

"அப்படி என்னதான் பேசினார்?"

"நாங்கள் ஆட்சிக்கு வந்தால் நாடாளுமன்றத்தையே ஹைடெக்

மருத்துவமனையா மாத்துவோம்'னு பேசறாரே!"

****************

"அந்த டாக்டர் ஆபரேஷன் பண்றப்ப கூட மயக்க மருந்து யூஸ்

பண்ண மாட்டாரு."

"அடடா, ஆச்சர்யமா இருக்கே!"

"ஆனா, முதல்லேயே ஃபீஸ் எவ்வளவு ஆகும்னு சொல்லிடுவாரு!"

****************

"ஒரு போன் பண்ணிக்கலாமா சிஸ்டர்!"

நான் இந்தக் கோவிலுக்கு நாலு வருஷமா வந்துட்டிருக்கேன்.. தெரியுமா?"

"உங்க வீடு என்ன அவ்வளோ...தூரமா இருக்கு?"

**************

தலைவர் : என்னப்பா மேடையில ஓடா வந்து விழுது…?

தொண்டர் : ஓட்டை அள்ளி வீசுங்கன்னு சொன்னதை தப்பா புரிஞ்சிக்கிட்டாங்க..

***************

பேஷன்ட்: ஒரு மாசமா உங்ககிட்டே வைத்தியம் பாத்தும் ஒன்னுமே சரியாகாதது வருத்தமா இருக்கு டாக்டர்!

டாக்டர்: என் சர்வீஸுலேயே நான் ஒரு மாசம் வைத்தியம் பாத்து உயிரோட இருக்குறது நீங்க ஒருத்தர் தான். அதை நினச்சு சந்தோஷப்படுங்க..

*****************

கப்பலே மூழ்கினாலும் கன்னத்துல கை வைக்க கூடாது?

ஏன்?

கன்னத்துல கை வைச்சா நீச்சல் அடிக்க முடியாதே...?

*****************

அதோ போறானே அவன்தான் என் குடியைக் கெடுத்தவன்…

அடப்பாவி, அப்படி என்ன செஞ்சான்?

பிராந்தியை கிளாஸ்ல ஊத்தி குடிக்கும் போது தட்டி விட்டுட்டான்…!

******************

காதலி : சுண்டல் கார பையன் என்னங்க சொல்லிட்டு போறான்?

காதலன் : இது ஒரு பிகருன்னு, கூப்பிட்டு வந்து உச்சி வெயில்ல பீச்ல உட்கார்ந்திருக்கீங்கேள, இது பிழைப்பான்னு கேட்குறான்.!

******************

நேற்று பக்கத்துக்கு வீட்டு பாபுவை ''ஒன்றுக்கும் லாயக்கில்லைன்னு'' சொன்ன பிறகு எல்லோரும் மூக்கில விரல வைக்கும்படி ஒரு காரியம் செய்துட்டான்.

அப்படி என்ன காரியம் செய்தான்?

நம்ம தெரு செப்டிக் டாங் தொட்டியை குச்சியால கலக்கிட்டான்.

****************

"கேள்வி கேட்டதுக்காகவா மிஸ் உன்னை அடிச்சாங்க?"

"ஆமா, 'உங்களுக்கெல்லாம் யார் வேலை குடுத்தது?'ன்னு கேட்டேன்."

****************

"ஏன்டா திலீபன், உங்க அப்பா என்ன வேலை செய்றாரு?"

"எங்க அம்மா சொல்ற எல்லா வேலையையும் அவர்தான் செய்வாரு...!"

*****************

"சாரிங்க, நான் எவ்வளவோ போராடிப் பார்த்தேன், பேஷண்ட்டை காப்பாத்த முடியலை."

"டாக்டர் உளராதீங்க, நீங்க செஞ்சிட்டு வர்றது போஸ்ட்மார்ட்டம்!"

******************

"பிழைக்கிறது கஷ்டம்னு டாக்டர் சொன்னார்னு சொன்னியே

யாருக்கு என்னாச்சு?"

"டாக்டருக்குத்தான், இன்னிக்கு ஒரு ஆபரேஷன் கேஸ்கூட அவருக்கு கிடைக்கலையாம்?"

******************

நேசத்துடன்

- பனித்துளி சங்கர்.

இன்று ஒரு தகவல் - விஞ்ஞான வளர்ச்சியை விஞ்சும் அதிசயங்கள் - Panithuli shankar in Amazing news

2011-09-22T11:00:00.004+09:00

அனைவருக்கும் வணக்கம். உங்கள் அனைவரையும் ஒரு புதியத் தகவலின் வாயிலாக சந்திப்பதில் மகிழ்ச்சி. தினந்தோறும் வளர்ந்து வரும் அறிவியலின் வளர்ச்சியினால் சுயமாக சிந்திக்கும் திறனில் இருந்து எழுபது விழுக்காடு, மனிதர்களாகிய நாம் பின்தங்கி இருப்பதாக ஒரு விஞ்ஞான அறிக்கை கூறுகிறது.

உண்மைதான் ஒரு காலத்தில் எந்த அறிவியல் வளர்ச்சியும் இன்றியே இன்று நிகழும் அற்புதங்களை விட பல மடங்கு சாதனைகளை செய்த மனிதன் இன்று தங்களுக்குத் தேவையான அடிப்படை வசதிகளை செய்வதற்குக் கூட இயந்திரங்களை எதிர்நோக்கும் நிலைக்கு இன்றைய மனிதர்கள் தள்ளப்பட்டுவிட்டனர்.

ஒரு காலத்தில் கடிகாரம் என்றால் என்னவென்றேத் தெரியாமல் இருந்த மனிதன். ஆயிரக்கணக்கான ஆண்டுகளாக நேரத்தை அளக்கவும் கண்காணிக்கவும் கருவிகள் பயன்படுத்தப்பட்டுள்ளன. தற்போதைய அறுபதற்குரிய முறை நேர அளவீடானது சுமரில் ஏறத்தாழ கி.மு 2000 ஆண்டு காலத்தைச் சேர்ந்ததாகும். புராதன எகிப்தியர்கள் ஒரு நாளை இரண்டு 12-மணிநேர காலங்களாகப் பிரித்து, சூரியனின் நகர்வைத் தடமறிவதற்கு பெரிய சதுரத்தூபிகளைப் பயன்படுத்தினார்கள். அவர்கள் நீர்க் கடிகாரங்களையும் உருவாக்கினார்கள்.இது முதன்முதலில் அநேகமாக அமுன்-ரி எல்லைப்பகுதியில் (Precinct of Amun-Re) பயன்படுத்தப்பட்டு, பின்னர் எகிப்துக்கு வெளியேயும் பயன்படுத்தப்பட்டது. புராதன கிரேக்கர்கள் இவற்றை பெரும்பாலும் பயன்படுத்தினார்கள்.

இன்று கடிகாரம் என்பதை நேரம் பார்ப்பதற்காக என்பதை மறந்து அதை ஒரு அழுகுப் பொருளாகவே மாற்றி அணிந்துகொள்ளத் தொடங்கிவிட்டன. காலையில் உதிக்கும் சூரியனின் ஒவ்வொரு அசைவிலும் நேரத்தை துல்லியமாக கணக்கிட்டு தங்களின் தினசரி வேலைகளை செய்துவந்த மனிதர்கள். இன்று ஆயிரம் அதிநவீன வசதிகள் இருந்தும் தங்களின் நேரங்களை சரியாக பயன்படுத்த மறந்து தடுமாறும் நிலையில் இருக்கிறார்கள் என்பது மட்டும் யாரும் மறுக்க இயலாத உண்மை. சரி இவை ஒரு பக்கம் இருக்கட்டும் இனி நாம் தகவலுக்கு வருவோம்.

இப்படித்தான் ஒரு முறை ஷாங் மன்னர் பரம்பரையானது நீர் வழிந்தோடும் கடிகாரத்தைப் பயன்படுத்தியதாக நம்பப்படுகிறது. இக்கடிகாரங்கள் கி.மு 2000-ம் ஆண்டுகளுக்கு முன்னர் மெசபோடோமியாவிலிருந்து அறிமுகப்படுத்தப்பட்ட கருவிகளாகும். பிற புரதான காலங்காட்டும் கருவிகளில் சீனா, ஜப்பான், இங்கிலாந்து மற்றும் ஈராக் ஆகிய நாடுகளில் பயன்படுத்தப்பட்ட மெழுகுவர்த்தி கடிகாரம், இந்தியா மற்றும் திபெத் ஆகிய நாடுகளிலும் ஐரோப்பாவின் சில பகுதிகளிலும் பரவலாகப் பயன்படுத்தப்பட்ட டைம்ஸ்டிக் (timestick) மற்றும் நீர்க் கடிகாரம் போல இயங்கிய மணல் சொரிந்து காலங்காட்டும் கருவி ஆகியவை உள்ளடங்கும்.

அந்தக் காலத்தின் சூரியனின் தோற்றம் மற்றும் சூரியனின் மறைவை வைத்து மட்டும்தான் நேரத்தைக் கணித்தார்களா நமது முன்னோர்கள் என்று பார்த்தால் அதையும் கடந்து பலப் பறவை இனங்கள் எழுப்பும் ஒலிகளைப் பயன்படுத்தியும் நேரத்தை துல்லியமாக கணித்திருக்கிறார்கள். நமக்கு தெரிந்த நமது முன்னோர்கள் சேவல் கூவும் சத்தத்தை வைத்து விடியலின் நேரத்தைக் கணக்கிடுவார்கள் என்பதை இன்றும் கிராமப்புறங்களில் பயன்படுத்தி வருகிறோம். ஆனால் இந்த சேவல் அல்லாது மற்ற எந்தப் பறவை மனிதனின் நேர கணக்கீட்டிற்கு உதவியது என்பதையும் பார்த்துவிடலாம்.

கடிகாரம் பயன்படுத்தத் தொடங்கிய ஆரம்பகால கடிகாரங்கள் சூரியன் ஏற்படுத்துகின்ற நிழல்களைச் சார்ந்திருந்தன. ஆகவே மேகமூட்டமான வானிலையில் அல்லது இரவில் இவற்றைப் பயன்படுத்த முடியவில்லை. மேலும், பருவகாலம் மாறும்போது மீண்டும் அளவுத்திருத்தம் செய்யவேண்டியும் இருந்தது. சுழற்சி ஆற்றலை விட்டு விட்டு நிகழும் அசைவுகளாக மாற்றிய, நீரினால் இயங்கும் ஒழுங்படுத்தும் இயந்திர அமைப்பு பொறிமுறையுடன் ஆரம்பகாலத்திலிருந்த கடிகாரமானது, கி.மு மூன்றாம் நூற்றாண்டு புராதன கிரீஸ் காலத்துக்குரியதாகும்.

பின்னர் சீனப் பொறியாளர்கள் பாதரசத்தினால் இயங்கும் ஒழுங்குபடுத்தும் இயந்திர அமைப்பு பொறிமுறைகள் ஒன்றாய் சேர்ந்திருக்கின்ற கடிகாரங்களை பத்தாம் நூற்றாண்டில் கண்டுபிடித்தனர். இதையடுத்து 11 ஆம் நூற்றாண்டில் பற்சக்கர அமைப்புகள் மற்றும் பாரங்கள் ஆகியவற்றால் இயக்கப்படும் நீர்க் கடிகாரங்களை அரபிய பொறியாளர்கள் கண்டுபிடித்தனர்.அதற்குப்பின் ஏற்பட்ட அறிவியலின் வளர்ச்சியால் இன்று கடிகாரத்தில் வளர்ச்சி பற்றிதான் நமக்கு நன்றாகத் தெரியுமே...!!

பின் வரும் பறவைகளின் சத்தங்கள் அனைத்தும் கிராமப்புறங்களில் வசிக்கும் மக்கள் ஒவ்வொருவரும் தாங்கள் காலையில் வேலைக்கு செல்வதற்கு நேரத்தை கணக்கிட மிகவும் உதவியாக இன்றும் பயன்படுகிறது என்றால் பார்த்துகொள்ளுங்கள்.

கரிச்சான் குருவி சத்தமிடும் நேரம் < > 3 மணி.

செம்போத்து .சத்தமிடும் நேரம் < > 3-30 மணி

குயில் கூவும் நேரம் < > 4-00 மணி.

சேவல் கூவும் நேரம் < > 4-30 மணி.

காகம் கரையும் நேரம் < > 5-00 மணி.

மீன் கொத்தி.சத்தமிடும் நேரம் < > 6-00 மணி.

என்ன நண்பர்களே..! இனி கிராமப் புறங்களில் வசிக்கும் ஒவ்வொருவரும் மேலே குறிப்பிட்டு இருக்கும் பறவைகளில் ஏதேனும் ஒன்றின் சத்தத்தை காலை நேரத்தில் நீங்கள் கேட்க நேர்ந்தால் நேரத்தை ஒரு முறை சரி பார்த்துக் கொள்ளுங்கள். ஆயிரம் அறிவியல் வளர்ச்சி வந்தாலும் இதுபோன்ற யதார்த்தங்களுக்கு நிகர் இந்த யதார்த்தங்களே என்பது மட்டும் திண்ணம்.

சரி நண்பர்களே..! நேரம் இல்லாததால் நேரத்தை கணக்கிடும் ஆதிகால முறைப் பற்றி எழுதிவிட்டேன் பிடித்து இருந்தால் கருத்துக்களை பகிர்ந்துவிட்டு செல்லுங்கள். எனக்கும் கிரிக்கெட் விளையாட நேரம் ஆகிடுச்சு நாளை பார்க்கலாம்.

* * * * * * *

நேசத்துடன்
பனித்துளி சங்கர்.

காதல் அந்த நாள் ஞாபகம் - Panithuli shankar Kadhal Kavithaigal - காதல் கவிதைகள்

2011-09-17T20:01:00.012+09:00

ஒரு சிறைபட்ட பறவை ஒன்றின்

சுதந்திரத் தாகமாய்

உன் உடன் சில நிமிடங்கள் மட்டுமே

பறக்கத் துடிக்கிறேன் .

நீளும் உன் நினைவுகளின் தூரத்தில்

நீ இன்றி நான் வாழ்வதும்

உயிர் இன்றி இந்த உடல் மண்ணில்

வீழ்வதும் ஒன்றே !

புகைப்படத்திற்கு நன்றி - www.shreezphotoz.com

- பனித்துளி சங்கர்

இன்று ஒரு தகவல் - பாகிஸ்தான் பெயருக்கான விளக்கம் - Explanation for the name of Pakistan - Panithuli shankar

2011-09-15T15:34:00.000+09:00

அனைத்து உறவுகளுக்கும் வணக்கம். உங்கள் அனைவரையும் மீண்டும் ஒரு புதியத் தகவலின் வாயிலாக சந்திப்பதில் மகிழ்ச்சி. உலகத்தில் உள்ள உயிருள்ள மனிதன் முதல் உயிரற்ற பொருள்கள் வரை ஒவ்வொன்றிற்கும் இருக்கும் பெயர்களுக்கு ஏதேனும் ஒரு காரணம் இருக்கக்கூடும். அதுபோல்தான் கிராமம், வட்டம், மாவட்டம், மாநிலம், நாடுகள் என்று சொல்லிக் கொண்டேப் போகலாம்.

ஆனால் உலகத்தில் ஒரு நாட்டிற்கு வைக்கப் பட்டிருக்கும் பெயருக்கானக் காரணங்கள் சற்று வித்தியாசமானது என்று சொல்லலாம். அந்த அளவிற்கு ஒவ்வொரு எழுத்திற்கும் ஒரு இடத்தின் பெயரைக் கொண்டு ஒரு நாட்டின் பெயரை உருவாக்கி இருப்பது மிகவும் வியப்பாகத்தான் இருக்கிறது. சரி அப்படி வித்தியாசமான பெயர் கொண்ட அந்த நாடு எது என்றால் ஒருகாலத்தில் நம்முடன் ஒன்றாக மகிழ்ந்து குலாவிய பக்கத்து நாடான பாகிஸ்தான் - தான் அந்த வித்தியாச பெயர் கொண்ட நாடு.

நம்மில் எத்தனை பேருக்கு பாகிஸ்தான் என்ற பெயருக்கான விளக்கம் தெரியும் என்று தெரியவில்லை. தெரியாதவர்கள் இன்றுமுதல் அதையும் தெரிந்துகொள்ளவேண்டும் என்பதற்காகத்தான் இந்தப் பதிவு . சரி இனி நாம் பாகிஸ்தான் என்றால் என்னவென்றுப் பார்க்கலாம்.

P A K I S T A N & பாகிஸ்தான்

P - என்பது (பாகிஸ்தானில் உள்ள) PANJAB -ல் உள்ள முதல் எழுத்து.

A - என்பது AFGHANI எல்லைப் பிரிவு மக்கள்

K - என்பது காஷ்மீர்

I - என்பது INDUS RIVER.

S- என்பது SIND.

TAN என்பது -BALUCHISTAN ல் உள்ள கடைசி மூன்று எழுத்துக்கள் .

என்ன நண்பர்களே..!! இன்று பாகிஸ்தான் என்ற பெயருக்கான விளக்கம் பலருக்கு தெரிந்திருக்கும் என்று நம்புகிறேன். மீண்டும் ஒரு புதுமையானத் தகவலுடன் உங்கள் அனைவரையும் விரைவில் சந்திக்கிறேன்.

நேசத்துடன்

-பனித்துளி சங்கர்.

* * * * * * *

மரம் தின்ற மனிதர்கள் - பனித்துளி சங்கர் கவிதைகள் - Maram thinra manithargal Kavithaigal

2011-09-13T22:39:00.002+09:00

இளமையும் இல்லை
இலைகளும் இல்லை
இதயம் இளைப்பாற
மரங்களும் இல்லை
மனிதன் சுயநலம் நிலைத்திட
மரம் கொன்றானோ
.ஒருவேளை கானல் நீர் கொண்டு
இனி வரும்
அவன் தாகம் தீர்ப்பானோ....!????

மனிதன் மகிழ்ந்து வாழ
அனைத்தும் தந்த மரங்களுக்கு
மனிதன் தந்த
பரிசு மரண தண்டனை..!

வெட்டப்படும் மரங்களின்
அழுகை சத்தம்
உயிர் வரை பாய்கிறது.....
தரைகளில் காய்ந்து கிடக்கும்
ஒவ்வொரு இலை சருகிலும்
காய்ந்து போன
குருதி வாசம் நாசி எட்டுகிறது.....

எத்தனை பறவைகளின்
வீடுகள் சிதைத்தோம்....
எத்தனை பறவைக் குழந்தைகளின்
தாய்பால் பறித்தோம்......

வித விதமாய்
தினம் தினம் புதிது புதிதாய்
சிரித்த எத்தனை பூக்களின்
புன்னகைகளில்

பூகம்பம் விதைத்தோம்....

விதை ஊன்றி
உயிர் கொடுக்க வேண்டிய
மரங்களுக்கு

விதவை பட்டம் கொடுத்து
உடனே பாடையில் ஏற்றும்

பெருமை இந்த மகத்தான
மனித குலத்திற்கு மட்டுமே
உரிய சிறப்போ...!?

நாம் பூகம்பம் கண்டால்
வலி என்கிறோம்
பூக்கள் காயம் கண்டால்
அதன் விதி என்கிறோம்......
சிந்திக்கவும் பேசவும் தெரிந்த
மனூட அரக்கர்களுக்கே உரிய
சுயநலம்தான் இந்த மரக்கொலைகளோ...!?

சிறு நரை முடி உதிர்ந்தாலே
ஆயிரம் மருத்துவம் தேடும் நாம்.....
தினம் மரங்களின்

உடல்களை அறுப்பது ஏன்...!?

நேற்று என் முன்னோர்

நட்ட மரங்கள்
இன்றும் நாங்கள் வாழ
சுவாசம் தருகிறது....
நாளை வரும்
என் தலைமுறை சுவாசிக்க
எந்த கடைகளில் சுவாசம் வேண்டி
காத்துக் கிடப்பார்களோ....!?

எண்ணிப் பார்க்கும்
ஒவ்வொரு நொடியும்
உள்ளுக்குள் நொறுங்கிப்

போகிறது இதயம் !.

* * * * * * *
- பனித்துளி சங்கர்.

சிரிப்பு விற்பவன் - Panithuli shankar tamil kadi jokes - நகைச்சுவை -ஜோக்ஸ்- கடி -காமெடி

2011-09-12T19:28:00.040+09:00

அனைத்து உறவுகளுக்கும் வணக்கம். உங்கள் அனைவரையும் மீண்டும் ஒரு நகைச்சுவை பதிவில் சந்திப்பதில் மகிழ்ச்சி. மனிதன் பிறர் சொல்லி செய்யாத செயல்களில் தினமும் அரை மணி நேரம் அவனின் சிரிப்பும் இருக்கவேண்டும் என்று ஒரு புதுமையான ஆய்வின் முடிவு ஒன்று சொல்கிறது. இது வரை உலகத்தில் நிகழாத புதுமையாய் சிரிப்பதற்கென்றே ஒரு மருத்துவத் துறையை அமெரிக்காவில் துவங்கி இருக்கிறார்கள் என்றால் பார்த்துகொள்ளுங்கள்.

ஒரு மனிதன் தினமும் சராசரி அரை மணி நேரம் சிரித்து மகிழ்வதால் அவனது உடலில் ஏற்படக்கூடிய எழுபது சதவீத நோய்களுக்கு இந்த அரை மணி நேர சிரிப்பே சிறந்த தடுப்பு மருந்தா மாறிவிடும் என்று அந்த ஆய்வில் தெரிய வந்திருக்கிறது. எதோ ஒரு ஆய்வில் சொல்லக் கூடிய முடிவிற்காக இல்லை என்றாலும் நாம் தினமும் சில நிமிடங்கள் சிரிக்கும் நேரங்களில் நமது உடலில் பல மாற்றங்கள் ஏற்படுவதை நாமே உணரலாம்.

எவ்வளவுதான் நாகரிகத்தின் உச்சத்திற்கும், சுத்தத்தின் உயரத்திற்கும் அறிவியல் வளர்ச்சி நம்மை அழைத்து சென்றாலும் உணர்வுகளின் உற்சாகத்திற்கு மகிழ்ச்சி என்ற ஒன்றைத் தவிர அதற்கு நிகரான மருந்தொன்று இந்த உலகில் இதுவரை கண்டுபிடிக்கப் படவில்லை என்று ஆராய்ச்சிகளின் ஆய்வுக் குழு கூறுகிறது. சரி நண்பர்களே..!! இந்த ஆராய்ச்சிகள் ஒரு பக்கம் இருக்கட்டும்

என்னால் தினமும் நகைச்சுவைகளை உங்களுடன் பகிர்ந்துகொள்ள இயலாவிட்டாலும் வாரத்தில் ஒரு பதிவிலேனும் சில நகைச்சுவை துனுக்களுடன் உங்களுடன் பகிர்ந்து மகிழ்வதில் ஒரு மாபெரும் சந்தோசம். இதோ இன்றைய சில நகைச்சுவை பகிர்வுகள். இயன்றவரை நகைச்சுவைகளை எங்கு வாசித்தாலும் சிரிப்பதற்கு முயற்சி செய்யுங்கள். நகைச்சுவைகள் என்பது சிரிப்பதற்காக மட்டுமேத் தவிர ஆராய்ச்சி செய்வதற்காக இல்லை.

வாழ்க்கை பூட்டியே கிடக்கிறது

சிரிப்புச் சத்தம் கேட்கும்போதெல்லாம்

அது திறந்து கொள்கிறது

வாழ்வின்மீது இயற்கை தெளித்த

வாசனைத் தைலம் சிரிப்பு

எந்த உதடும் பேசத் தெரிந்த

சர்வதேச மொழி சிரிப்பு.

என்ற கவிஞர் வைரமுத்துவின் வரிகள் ஞாபகத்தில் வருகின்றன .

இயன்ற வரை

இதழ்கள் பூத்திருங்கள்

உங்களின் இதயங்கள் சிறகுகலாகட்டும் .

நீங்கள் சிரிக்க நேர்ந்தால்

அதில் இன்னும் பல

இதழ்களின் மொட்டுக்கள் மலரக் கூடும் .

புன்னகையும் பூமியில் சுற்றித் தெரியும்

தென்றலும் ஒன்றுதான்

நாம் சுவாசிக்கும் தென்றலும் ,

நம்மை சுவாசிக்கும் சிரிப்பும்

எப்போதும் இந்த உயிர் நீட்டிக்கும்

-பனித்துளி சங்கர்

* * * * * * *

புது கணவன்: என் மனைவி சமையலறை பக்கமே போயிருக்க மாட்டாள் என்று நினைக்கிறேன்!

நண்பன்: எப்படி சொல்கிறாய்?

புது கணவன்: இன்று காலை அவள் முட்டையை சோடா ஓபனரை வைத்து திறக்க முயன்று கொண்டிருந்தாளே...!

* * * * * * *

“டேம்ல வேலை பார்க்கிறவரோட பெண்ணைக் கட்டினது பெரிய வம்பாப் போச்சுன்னு சொல்றீயே! ஏன்?” “தினமும் ஐந்தாறு கன அடி கண்ணீர் விடுறா?”

* * * * * * *

ஆசிரியர்: கும்பகர்ணன் மாதக் கணக்கில் தூங்கினான். இது என்ன காலம்? மாணவன்: கொசுவே இல்லாத காலம் சார்..!

* * * * * * *

“அந்த லைட் மியூஸிக் பாடகருக்கு இன்னும் பணம் தரலைன்னு எப்படிச் சொல்றே?” “அதான் கொக்கு நறநற கோழி நறநற…ன்னு பாடுறாரே!”

* * * * * * *

"எதுக்குய்யா உன் மனைவியைத் தூக்கி வீட்டுக்கு வெளியே எறிந்தாய்?"

"ஒரு மகான்தான் கவலையைத் தூக்கி எறி வாழ்க்கையில் முன்னேறலாம்னு சொன்னார்."

* * * * * * *

“தேங்காயிலும் தண்ணீர் இருக்கு……..பூமியிலும் தண்ணீர் இருக்கு……” “அதுக்காக தேங்காயிலதான் போர் போட முடியுமா……. இல்ல பூமியிலதான் ஸ்ட்ரா போட முடியுமா…….இத சொன்னா நம்மள லூசுனு சொல்லுவான்…."அரசியல்வாதியை மாப்பிள்ளையாக்கியது தப்பாப் போச்சு!""ஏன்?""கல்யாணத்தில் பொண்ணு போட்ட மாலையைக் கழற்றி கூட்டத்தில் வீசுறாரு!"

* * * * * * *

அண்ணா முதலமைச்சராக இருந்த போது சட்டமன்றத்தில் ஒரு விவாதம் நடந்தது.

ஒரு உறுப்பினர், “பேருந்தில், யாகாவாராயினும் நாகாக்க என்று எழுதப்பட்டிருக்கிறதே, யாருடைய நாக்கு காக்கப்பட வேண்டும்? பேருந்தின் நடத்துனரா? ஓட்டுனரா? இல்லை பயணிகளா?” என்று முதலமைச்சரான அண்ணாவைப் பார்த்துக் கேட்டார்.

உடனே அண்ணா, “ யாகாவாராயினும் நாகாக்க என்ற குறள், யார் யாருக்கு நாக்கு இருக்கிறதோ அவர்கள் அனைவருக்குமே எழுதப்பட்டுள்ளது” என்றார்.

* * * * * * *

நேசத்துடன்

-பனித்துளி சங்கர்.

* * * * * * *

பசி கவிதைகள் > சிதறும் உயிர்கள் - Panithuli shankar varumai kavithaigal in tamil

2011-09-10T20:17:00.004+09:00

உணவுகள் எங்கே

எங்களின் உயிர்களும் அங்கே.

உடை இன்றி பிறந்தோம்

ஏனோ இந்த உடலின்றி பிறக்க மறந்தோம்..!?

அழியாத இந்த மண்ணைக்

கட்டியாளத் துடிக்கும் மானுடன்

ஏனோ நாளை அழியப்போகும்

மனிதனை மறந்துபோனான்..!

தேடிக் கிடைபதற்கும்,

உழைத்து உண்பதற்கும்

ஏதும் இல்லாத தூரங்கள்

பார்வைகளில் நிழலாடுகிறது.

சின்னஞ் சிறு குழந்தையில்

சிறுநீர் கழித்து வாழ்ந்த

என் மக்கள் இன்று கண்முன்

சிறுநீர் குடித்து தாகம் தீர்ப்பதா...!?

பற்றி எரியும் பசியில்

கொன்று உண்பதற்கு என்னை போன்ற

பசிகொண்ட மனிதனைத் தவிர

எதிரே ஒன்றும் இல்லை..!

உணவும்

, உடையும், இருப்பிடமும்தான்,

எங்களின் கனவாகிப் போனது

இந்த மரணம் கூடவா

எங்களின் வாழ்வில்

கானல் நீராகிப்போனது !?

கை நீட்டி கண்ணீர் விடுவதற்கும் ,

வாய் திறந்து கதறி அழுவதற்கும்

உணர்வுகள் இருந்தும்

உடலில் உதிரம் இல்லை.

பசி எடுக்க மருந்தொன்றுக்

கண்டான் மனிதன்

நாங்கள் பசி மறக்க ஏனோ

மருந்தொன்று காணாமல் மறந்தான்..!!

நீங்கள் தினமும் சிதறவிடும்

ஒவ்வொரு சோற்று பருக்கையிலும்

எங்களின் உயிர்

இன்னும் சில நாட்கள்

இந்த பூமியில் சுவாசித்திருக்கும். .!

உண்ண உணவின்றி மறித்துபோகும்

இந்த உன்னத வரம் எங்களுடன்

அழிந்துபோகட்டும்.

இயன்றவரை உணவுகளை வீணாக்காதீர்கள்...!!

- பனித்துளி சங்கர்

நிலவில் கால் பதித்த முதல் மனிதர் நீல் ஆர்ம்ஸ்ட்ராங் இல்லை..!! - Moon first - Indru oru thagaval

2011-09-08T21:39:00.000+09:00

அனைத்து உறவுகளுக்கும் வணக்கம். தினம் தினம் ஒரு புதுமை கொண்டு ஒவ்வொரு நாளும் ஒரு புது விடியலை நாம் கண்டுகொண்டிருக்கிறோம். இந்த புதுமை என்னும் வார்த்தை இப்பொழுது சற்று வித்தியாசமாகவே அனைவராலும் பார்க்கப்படுகிறது. அதற்கு காரணங்களும் உண்டு. ஆடை இன்றி பிறந்த மனிதன் இன்று வேற்றுக் கிரகத்திற்கு பறக்கும் அளவிற்கு தினமும் ஒரு புதுமை நிகழ்ந்துகொண்டே உள்ளது.

அறிவியல் ஆக்கத்திற்கா !? இல்லை அழிவதற்கா !? என்ற கேள்விகள் நம்மில் இருந்தும் இன்றைய நொடியில் ஏற்படும் புதுமைகளை கண்டு நம்மில் வியக்காதவர்கள் யாரும் இல்லை. அந்த அளவிற்கு விஞ்ஞானம் மனிதர்களின் இதயங்களை தன்பக்கம் மட்டுமே பார்க்கவேண்டும் என்ற அளவில் வசியம் செய்துவிட்டது என்று சொல்லலாம். இன்றையப் பதிவும் விஞ்ஞானம் சார்ந்த ஒன்றுதான் என்று சொல்லவேண்டும்.

இதுவரை நிகழ்ந்திருக்கும் மிகப்பெரிய விஞ்ஞான வளர்ச்சிகளில் மனிதன் நிலவுக்கு சென்றதும் ஒன்று. இப்பொழுதும் அந்த ஆராய்ச்சியில் உலக நாடுகள் மிகவும் ஆர்வமாக ஒரு பதிலுக்காக பணியாற்றிக் கொண்டிருக்கும் ஒரே கேள்வி '' நிலவில் மனிதனால் வாழ இயலுமா'' !? என்பது மட்டும்தான். ஆனால் இதுவரை நம்மில் பலருக்கு தெரியாத இந்த நிலவு பயணம் பற்றிய வினோதத் தகவல்கள் கொண்டப் பதிவுதான் இது என்று சொல்லலாம்.

ஆம் வாசகர்களே..! நம்மில் பலருக்கு நிலவிற்கு முதன் முதலில் பயணம் செய்த உயிரி ஒரு நாய் என்பது மட்டும்தான் தெரியும். ஆனால், அந்த நாய் பூமியில் இருந்து விண்கலம் புறப்பட்ட சில நிமிடங்களிலே இறந்து போனது என்றால் நம்புவீர்களா..!!? ஆம்..! உலகின் முதல் விண்வெளிப் பயணி ' லைக்கா ' என்கிற நாய். 1957 -ம் வருடம் நவம்பர் மூன்றாம் தேதி ரஷ்யாவின் ஸ்புட்னிக் விண்கலத்தில் பறந்தது லைக்கா. இது சுற்றுப் பாதையில் நான்கு நாட்கள் உயிரோடு இருந்ததாக ரஷ்ய விஞ்ஞானிகள் அறிவித்தார்கள். உண்மையில் விண்கலம் கிளம்பும்போது பயத்திலேயே உயிரை விட்டுவிட்டது லைக்கா என்ற அந்த நாய். இந்த உண்மை கிட்டத்தட்ட 45 வருடங்கள் கழித்து 2003 -ம் ஆண்டுதான் தெரிய வந்ததிருக்கிறது என்றால் பார்த்துகொள்ளுங்கள்.

இது மட்டும் இல்லை இப்பொழுது சொல்லப் போகும் தகவலை வாசித்தால் நம்மில் பலருக்கு மிகவும் வியப்பாகவும் பிரமிப்பாகவும் இருக்கக் கூடும். ஆம் இதுவரை நிலவில் முதன் முதலில் கால் வைத்த மனிதர் நீல் ஆம்ஸ்ரோங் (Neil Armstrong) என்றுதான் நம் அனைவருக்கும் தெரியும் ஆனால் உண்மையாகவே அவர் இல்லை என்று சொன்னால் நம்புவீர்களா... !?

நிலவிலே கால் பதித்தவர் ' என்று சொன்ன உடனேயே நம் நினைவுக்கு வருபவர் நீல் ஆம்ஸ்ரோங் (Neil Armstrong). ஆனால், அவரோடு நிலவுக்குச் சென்ற பஸ் ஆல்ட்ரினை நம்மில் பலருக்குத் தெரியாது. உண்மையில் நிலவில் முதலில் காலடி வைக்க அனுப்பப்பட்டவர் ஆல்ட்ரின்தான். அவரைப் புகைப்படம் எடுக்க அனுப்பப்பட்டவர்தான் ஆம்ஸ்ரோங். அமெரிக்க விண்கலம் நிலவில் இறங்கிய கொஞ்சநேரத்துக்கு தூசு மண்டலம் தரையை மறைக்க, புதைகுழியில் இறங்குவது போன்ற பயம் ஆல்ட்ரினுக்கு வந்துவிட்டது. எனவே அவர் இறங்கவில்லை.

இதை கவனிக்காமல் ஆம்ஸ்ட்ராங் இறங்கிவிட்டார். இந்த குற்ற உணர்ச்சியாலோ என்னவோ நீல் ஆம்ஸ்ரோங் (Neil Armstrong) நிலாவில் தன்னை ஒரு புகைப்படம்கூட எடுத்துக் கொள்ளவில்லை. ஆல்ட்ரினை மட்டுமே புகைப்படம் எடுத்தார். பூமி திரும்பிய ஆல்ட்ரின் தனக்கான அங்கீகாரம் கிடைக்காததில் ரொம்பவே நொந்து போனார். தன் காரில் ' Moon First ' என்று எழுதிக்கொண்டு முழு போதையில் வாழ்க்கையை வெறுத்து நீண்ட காலம் சுற்றித் தெரிந்தார் என்றால் பார்த்துக் கொள்ளுங்கள். இவ்வளவு ஒரு அரிதான வாய்ப்புக் கிடைத்து திடீர் என்று நழுவிப்போனால் யாருக்குத்தான் வருத்தம் இருக்காது...!!

(நன்றி. கூகுள் தேடுபொறி படங்கள்)

என்ன வாசகர்களே..!! இந்தத் தகவலும் உங்கள் அனைவரையும் வியப்பில் ஆழ்த்தி இருக்கும் என்று நம்புகிறேன். மீண்டும் அரு அரியத் தகவலுடன் உங்கள் அனைவரையும் விரைவில் சந்திக்கிறேன். பதிவு பிடித்திருந்தால் தங்களின் கருத்துக்களை பதிவு செய்துவிட்டு செல்லுங்கள்.

நேசத்துடன்

பனித்துளி சங்கர்

* * * * * *

Tamil jokes - தமிழ் SMS ஜோக்ஸ் -காதல் நகைச்சுவைகள்- மொக்கை லொள்ளு

2011-09-06T20:38:00.024+09:00

அனைத்து உறவுகளுக்கும் வணக்கம். உங்கள் அனைவருடனும் இணைந்து சிரித்து அதிக நாட்களை கடந்துவிட்டேன். அதற்காகத்தான் இந்த நகைச்சுவை பதிவு. வாழ்க்கை என்னும் இந்த சிறிய வார்த்தை போலவே இப்பொழுது உள்ள செயற்கையான வாழ்க்கை முறைகளினால் வாழும் நாட்களும் சுருங்கிப் போகத் தொடங்கிவிட்டது. எப்பொழுது பார்த்தாலும் வேலை, வேலை, பணம் என்று ஓடிகொண்டே இருந்தால் எப்பொழுதுதான் வாழ்வது...!? என்ற பதில் இல்லாத கேள்விகள் பல உள் மனதை அரித்துக் கொண்டிருக்கும் ஒரு புறம்.

இன்று உழைத்துக்கொண்டே வாழ்க்கையை மகிழ்ச்சியாக வாழுங்கள் . நாளை வாழ்வதற்காக உழைக்காதீர்கள் . தினமும் இயன்ற வரை சிறிது நேரம் சிரித்து மகிழுங்கள். சிரிப்பு ஒரு தோற்று வியாதி ! இது அனைவருக்கும் பிடிக்கும் . தினமும் இயன்ற வரை யாரேனும் ஒருவருடைய வாழ்க்கையை மகிழ்ச்சியாக்குங்கள். நாம் பணத்தால் செய்ய இயலாத பல அதிசய மாற்றங்களை இந்த சில நிமிட சிரிப்பு ஏற்படுத்திவிடும். சரி நண்பர்களே இன்று உங்களுடன் இணைத்து மகிழ இதோ சில நகைச்சுவை துணுக்குகள் பகிர்ந்திருக்கிறேன் வாசித்து மகிழுங்கள் .

* * * * * * *

மிருகக் காட்சி சாலையில் புலி ஒன்று, பார்வையாளரில்
ஒருவனைக் கொன்றுவிட்டது. அதைக் கண்டு பக்கத்து
கூண்டில் இருந்த எலி கேட்டது. எதுக்கு அவனைக் கொன்னேனு...

புலி : அந்தப் பரதேசி நாய் மூணு மணி நேரமா என்னைப்
பார்த்துச் சொல்றான் “எவ்ளோ பெரிய பூனை”ன்னு.

& & & & & & &

காதல் என்பது கரண்ட் போன நேரத்துல வர கொசு மாதிரி...
தூங்கவும் முடியாது... தூரத்தவும் முடியாது....

^ ^ ^ ^ ^ ^ ^

ஜனவரி - 14 க்கும், பிப்ரவரி - 14 க்கும் என்ன வித்தியாசம்?
ஒரு பொண்ணு பொங்கல் கொடுத்த அது ஜனவரி - 14 !
அதே பொண்ணு அல்வா கொடுத்தா அது பிப்ரவரி - 14 !!

$ $ $ $ $ $ $

அம்மா: என்னடா... இன்னிக்கு ஸ்கூல்ல இருந்து இவ்வளவு சீக்கிரமா வந்துட்டே?

பையன்: எங்க மிஸ் ஒரு கேள்வி கேட்டாங்க, நான் மட்டும் தான் பதில் சொன்னேன்.

அம்மா: (சந்தோசமாக) என்ன கேள்வி கேட்டாங்க?

பையன்: யார்ரா அது மிஸ் மேல சாக்பீஸ் அடிச்சதுன்னு கேட்டாங்க.

# # # # # # #

மனைவி : என்னங்க பாருங்க உங்க பையன் பாடப்புத்தகத்தை எப்படிக் குதறி வச்சிருக்கான்னு?

கணவன் : நான் தான் சொன்னேனே, அவன் படிப்புல புலின்னு.

@ @ @ @ @ @ @

கணவன்: எனக்கு கால் வந்த நான் வீட்ல இல்லன்னு சொல்லு! கொஞ்ச நேரம் கழித்து மொபைலில் கால் வருகிறது...
மனைவி: ஹலோ! என் கணவர் வீட்ல தான் இருக்கார்!
கணவன்: ஏண்டி அப்படி சொன்ன?
மனைவி: அது என்னோட லவர்!
கணவன்: ?!?.....

( ( * * * ) )

அறிவாளி 1 : மச்சி லேப்டாப் வாங்கிட்டு அடுத்து துணிக்கடைக்கு போகனும், ஞாபகப்படுத்து....

அறிவாளி 2: ஏன்டா நேத்துதானே ட்ரெஸ் எடுத்த மறுபடியுமா?

அறிவாளி 1 : இல்லடா, லேப்டாப்ல விண்டோஸ்லாம் இருக்குமாமே, அதுக்கு கையோட நல்லதா ஒரு ஸ்க்ரீன் வாங்கி தெச்சி வெச்சிடலாம்னுதான்........

& & & & & & &

அமலா : நேற்றைய பார்ட்டில, உன் கணவர் குடிச்சிருப்பதை எப்படி கண்டுபிடிச்சே?

விமலா : ஜன கண மன விற்குக் கைதட்டினாரே..!

@ @ @ @ @ @ @

யாருக்கிட்ட நான் பூனை இல்லை புலி ! Tamil Comedy Clip

* * * * * *

நீ வானம் நான் பூமி - காதல் கவிதைகள் - Tamil New Kadhal kavithaigal panithuli shankar

2011-09-04T02:38:00.002+09:00

மழை பொழியும் பொழுதெல்லாம்

நீ தந்த

முதல் முத்தம் ஞாபகம் .!

இடி சத்தம் கேட்கையில்

எப்போதும் இசையாகும்

உன் வெட்கம் !

முடிவாய் மின்னலென

நீ வீசிய பார்வையில்

அடிவானம் கறுத்து

அடைமழை பொழிய

வானம் பார்த்த பூமி

இன்று வயது மீட்டு

சிரிக்கிறது காதல் கொண்ட

வெட்கத்தில் !..

-பனித்துளிசங்கர்

ஞாபகத் தூறல் - காதல் கவிதைகள் > Panithuli shankar Tamil New Kadhal Kavithaigal

2011-08-24T19:48:00.006+09:00

கொட்டும் மழைக்குள்

ஒற்றைக் குடைக்குள்

ஓயாத அடை மழையென

உன் நினைவுகள்..!

சுற்றும் பூமி நிற்கும்போதும்

மறக்காத சுவாசமாய்

உன் ஸ்பரிசம்..!

மழை நின்று போனது

நீயும் நானும்

பிரிந்துசெல்ல மனமின்றி

பிரிந்து சென்றோம்.!.

காலங்கள் கடிவாளங்கள் இல்லாத

குதிரையாய் கால் போகும்

திசை எங்கும் ஓடிப்போனது..!

ஒரே மூச்சில் வாசித்து முடிக்கப்பட்ட

புத்தகத்தின் பக்கங்களாய்

பத்து ஆண்டுகள்

சத்தமின்றி கழிந்து போனது..!

இன்னும் இளமை மாறாமல்

அதே புன்னகையோடு எப்பொழுதும்

தலையசைக்கும் மரங்கள்..!

மண்ணைக் கட்டிக்கொண்டு

இன்னும் நமக்காய்

காத்துக் கிடக்கும் உறவுகளாய்

பார்க்கும் திசை எங்கும்

பச்சை நிறத்தில் புற்கள்..!

இன்னும் பழமை மாறாமல்

அதே பொலிவுடன் அந்த இடம் .

இதோ அதே மழை

அதே ஒற்றைக் குடை

ஆனால் நீ அருகில் இல்லை..!

வெகு நேரம் காத்துக் கிடந்தேன்

நீ வரவில்லை .

அன்று உன்னையும் என்னையும்

ஒன்றாய் நனைத்த

இந்த மழையில் இன்று நான் மட்டும்

தனிமையில் நனைகிறேன்...!

உன் நினைவுகளுடன்

நான் கடந்து செல்லும்

ஒவ்வொரு இடங்களிலும்

மழை நின்றபின்னும்

தூறிக்கொண்டிருக்கிறது

உன் ஞாபகங்கள் மட்டும்..!

- பனித்துளிசங்கர்

இன்று ஒரு தகவல் - உலகின் முதல் அஞ்சற்தலை வரலாறு -World first stamp history > Panithuli shankar

2011-08-22T19:31:00.006+09:00

அனைத்து உறவுகளுக்கும் வணக்கம். வலைகளின் எண்ணிக்கை கூடினாலும் மீன்களின் எண்ணிக்கை குறைவதில்லை என்பதுபோல எழுதுபவர்களின் எண்ணிக்கை குறைந்தாலும் தினமும் புதிதாய் எழுதத் தொடங்குபவர்களின் எண்ணிக்கை தினமும்அதிகரிக்கத் தொடங்கிவிட்டது என்பதை நன்றாக அறிய முடிகிறது. எத்தனை எத்தனை புதியப் பதிவுகள் எத்தனை எத்தனைபுதியப் பதிவர்கள் அனைவரின் பதிவுகளின் தலைப்புகளை அறிந்துகொள்வதிலே பாதி நாட்கள் கழிந்து போகிறது. இதில்மற்றொருக் கூட்டம் பதிவின் தலைப்புகளை தாறுமாறாக வைத்து வாசிப்பவர்களின் ஆர்வத்தை குறைக்கவும்செய்துவிடுகிறார்கள்.

எது எப்படியோ கடந்து ஒரு வாரத்தில் நான் உணர்ந்த சில நிகழ்வுகள் இவைதான். சரி..! இனி நாம் இன்றையத் தகவலுக்கு வருவோம். நான்கு பேர் ஒன்றாய் சேர்ந்தாலே நாட்டு நடப்பு என்கிற பெயரில் பக்கத்து தெருவில்தும்மியவன் முதல் எதிர் தெருவில் தடுக்கி விழுந்தவன் வரை ஏதாவது ஒன்றை பேசி அப்பொழுதே அதை மறக்கவும் செய்துவிடுகிறோம் என்பது போலவே கடந்த சில வாரங்களாக அனைவரின் கவனத்தையும் ஈர்த்துக் கொண்டிருக்கிறது அன்னா ஹசாரே-வின் உண்ணாவிரதமும். இது வரவேற்கத் தகுந்தது என்ற போதிலும் இறுதியில் இதுதாண்டா போலீஸ் என்பது போல இதுதாண்டா அரசியல் என்று சொல்லி விடுவார்கள் என்பது மட்டும் அரசியல் பற்றி நன்கு அறிந்தவர்களுக்குத் தெரியும். சரி இனி நமக்கு ஏதாவது ஒன்றை பற்றி இன்று புதிதாய் அறிந்துகொள்வதை விட்டுவிட்டு எதற்கு இந்த தேவை இல்லாத புளிக்கும் விசங்கள் என்று சலித்துக் கொள்ளவேண்டாம். தகவலுக்கு போகலாம்.

ஒரு காலத்தில் அஞ்சல்காரர்களும் அஞ்சல் அலுவலகங்களும்தான் பலருக்கு தெய்வங்களாக தெரிந்தது அந்த அளவிற்கு தொலை தூரத்தில் இருக்கும், மகனோ அல்லது கணவனோ அப்பாவோ, அம்மாவோ என்று உறவுகளின் உணர்வுகளை சுமந்துவரும் கடிதங்கள் ஒவ்வொருவரின் கண்களுக்கும் காட்சி தர உதவிய துறைகளில் இதுதான் என்று அனைவரும் அறிந்ததே. இன்றும் கடிதங்களின் வரவுகள் குறைந்துபோனாலும் அந்தக் கடிதங்களுக்கு இருக்கும் ஒரு குறைந்து போகாத சுவராஸ்யம் எந்த இணைய வளர்ச்சியிலும் இல்லை என்று சொல்லலாம். சரி இந்த கடிதங்களுக்கும் இந்த அஞ்சல் துறைக்கும் எண்ணத் தொடர்பு இந்த தகவலுடன்..!? இந்த தகவல் கடிதங்கள் பற்றியது இல்லை கடிதத்தின் மேல் ஒட்டப்படும் தபால் ஸ்டாம்புகள் பற்றியதுதான் .

ஒரு நாட்டின் , மாநிலத்தின் கலாசாரத்தை , வரலாற்றை , மக்களின் பழக்கவழக்கங்களை எதிர்கால சந்ததியினருக்கு எடுத்துச் சொல்லும் சரித்திர ஆதாரங்களாக தபால் தலைகள் (POST STAMPS) திகழ்கின்றன . அரசியல் தலைவர்கள் , நாட்டுக்காக உயிர்த் தியாகம் செய்த ராணுவ வீரர்கள் உருவம் பொறித்த தபால் தலைகள் உட்பட அனைத்து நாடுகளின் தபால் தலைகளும் ஒவ்வொரு வரலாற்றை சொல்கிறது , நினைவுபடுத்துகிறது

உலகத்தில் தோன்றிய மற்ற கண்டுபிடுப்புகளை விட இந்த தபால் தலை அறிமுகம் பல விவாதங்களுக்குப் பின்பே நமக்கு அறிமுகப்படுத்தப்பட்டது என்றால் நம்புவீர்களா !? ஆம் முதன் முதலில் 'ஜேம்ஸ் சாமேர்ஸ்' (James Chalmers} என்பவரால் 1834 அளவில் முன்வைக்கப்பட்டது. இதே கருத்தை 1837ல் 'ரோலண்ட் ஹில்' என்பவரால் வெளியிடப்பட்ட, தபால் துறைச் சீரமைப்பு: இதன் முக்கியத்துவமும், செயற்படுதன்மையும் என்னும் அறிக்கையில் வெளியிட்டார் . சேவைக்குப் பணம் மிச்சப்படும் என்பதையும் எடுத்துக் காட்டினார். சாமேர்ஸின் முன்வைப்பு இறுதியாக 1839 ஆகஸ்டில் நாடாளுமன்றத்தில் ஏற்றுக்கொள்ளப்பட்டதுடன் பொதுத் முதபால் அலுவலகம், முதன் முதலில் 1840ல் பென்னி தபால் சேவையை ஆரம்பித்ததுடன், 1 பென்னியும், 2 பென்னியும் பெறுமானமுள்ள, படம் அச்சிடப்பட்ட உலகின் தல் உறைகளையும் வெளியிட்டது.

மூன்று மாதங்களின் பின்னர், விக்டோரியா மகாராணியின் படம் அச்சிடப்பட்டபென்னி பிளாக் (Penny Black) என்று அறியப்பட்ட முன்கட்டணத் தபால் தலையையும் வெளியிட்டது. முதலாவது தபால் தலையை வெளியிட்ட காரணத்தினால், அனைத்துலகப் பயன்பாட்டுக்குத் தபால்தலைகளை வெளியிடும் நாட்டின் பெயர் ரோமன் எழுத்துக்களில் அவற்றில் பொறிக்கப் பட வேண்டுமென்ற மிகக் கடுமையான சட்டம் ஒன்றை உருவாக்கினார்கள் . இந்த சட்டம் பல ஆண்டுகள் வரை யாராலும் எதிர்க்கப் படாமல் இருந்துவந்தது . அதன் பின் சீனா மற்றும் ஜப்பான் போன்ற நாடுகளின் தலையீட்டால் இந்த சட்டம் சிறிது சிறிதாக மாறத் தொடங்கியது என்றால் பார்த்துகொள்ளுங்கள்

இதுவரை உலகில் உருவாக்கப் பட்ட தபால் தலைகளில் மிகவும் பிரபலமான தபால் தலைகள் இவைகள் மட்டுமே என்றால் பார்த்துகொள்ளுங்கள்

பென்னி பிளாக்

மொரீஷியஸ் நீல பென்னி

The "Treskilling" Yellow

தலைகீழ் ஜென்னி

பிரிட்டிஷ் கயானா 1 சென்ட் சாந்து

Perot provisional

Hawaii Missionaries

Basel Dove

Uganda Cowries

Vineta provisional

கருப்பு ஹொண்டூராஸ் (Black Honduras)

Scinde Dawk

சென் லூயிஸ் கரடிகள் (St. Louis Bears)

இன்று இருக்கும்.நம்மில் பலர் தபால்களில் ஸ்டாம்புகளை (அஞ்சல் வில்லை) ஓட்டும்பொழுது நாக்கில் வைத்து எச்சிலைத் தடவித்தான் ஒட்டி இருக்கிறோம். ஏன் நானும் எத்தனையோ முறை இதேபோல்தான் பயன்படுத்தி இருக்கிறேன். ஆனால் இந்த தகவலை அறிந்த பொழுது மிகவும் அதிர்ச்சியாக இருந்தது. அப்படி என்ன இந்த ஸ்டாம்பில் இருக்கிறது என்று பலருக்கு எண்ணத் தோன்றலாம் சொல்கிறேன். சிலர் தபால் ஸ்டாம்புகளை (POST STAMPS) நாக்கினால் நக்கி ஒட்டுகிறார்களே, இது ஆசாரக் குற்றம். பழைய பூட்ஸ்கள், செருப்புகளையெல்லாம் நெருப்பில் போட்டு, அதிலிருந்து தயாரிக்கப்படும் ஒருவிதப் பசையே ஸ்டாம்பின் பின்புறத்தில் தடவி இருக்கிறார்களாம், இன்று வரை ஸ்டாம்புகளின் பின் புறத்தில் இந்த முறைதான் கையாளப்படுகிறது என்றால் பார்த்துக் கொள்ளுங்கள். இனி எந்தப் பொருளையும் வாங்கி நாக்கில் வைப்பதற்கு முன்பு சற்று யோசிப்பது நல்லது என்றே நினைக்கிறேன்.

சரி நண்பர்களே..!! இன்றையத் தகவலும் உங்களுக்கு பிடித்திருக்கும் என்று நம்புகிறேன். மீண்டும் ஒரு புதியத் தகவலுடன் விரைவில் சந்திக்கிறேன். பதிவு பிடித்திருந்தால் உங்களின் கருத்துக்களை பதிவு செய்துவிட்டு செல்லுங்கள்.

நேசத்துடன்

பனித்துளி சங்கர்

காதல் துளிர் - முடிவில்லா காதல் கவிதை விழா - Panithuli shankar Tamil SMS kadhal kavithaigal 2011

2011-08-18T21:23:00.001+09:00

"உலகத்தில் விரும்பப்படாதவர்கள்

அதிகம் இருக்கலாம்

ஆனால்

விருப்பம் இல்லாதவர்கள்

யாரும் இல்லை" !

வாழ்க்கைதான் சுருங்கிப் போகிறதேத் தவிர

ஆசைகள் எப்போதும் வளர்பிறைதான் .

வயது நிரம்பி ,

தோள்கள் சுருங்கி ,

உடல்கள் மெலிந்து ,

தலை முடிகள் நரைத்துபோயினும் ,

எங்கேனும் தொற்றிக்கொள்ளும்

காட்சிகளில் மீண்டும்

பற்றிகொள்கிறது இந்த அழியாத காதல் "

- பனித்துளி சங்கர்

தமிழ் சினிமா ஒரு பார்வை (1981) - பாக்யராஜ் சினிமா முதல் படி..! (Tamil Cinima Director Bakkiyaraj first movie)

2011-08-12T19:38:00.002+09:00

அனைத்து நேசங்களுக்கும் பனித்துளி சங்கரின் வணக்கங்கள். இன்று நாம் இன்று ஒரு தகவலில் பார்க்க இருப்பது அனைவருக்கும் மிகவும் பிடித்த துறை என்று சொல்லலாம். அப்படியென்றால் என்று நீங்கள் கேள்விகளை எழுப்புவதற்கு முன்பே நான் பதிலை சொல்லிவிடுகிறேன் சினிமாத் துறை. உலகத்தில் மிகவும் பிரபலமான சினிமா துறை சார்ந்தவர்கள் பற்றி நமக்கு அதிக ஆர்வம இல்லையென்றாலும் நமது உள்ளூர் சினிமாக் காரர்களின் கடந்த காலங்கள் பற்றி அறிந்துகொள்வதில் அனைவருக்கும் ஒரு ஆர்வம் உண்டு என்பதில் சிறிதும் மாற்றம் இல்லை. சரி இனி நாம் மேட்டருக்கு வருவோம் .

இந்த தகவல் நான் பிறப்பதற்கு முன்பே வெளிவந்த ஒன்று என்பது மற்றொரு சுவராஸ்யம். சரி. இது ஒரு பக்கம் இருக்கட்டும். பிறப்பதற்கு முன்பு என்றால் ஆம்..!! (1981) ஆயிரத்தி தொள்ளாயிரத்து எண்பத்தி ஒன்றில் வெளிவந்த ஒரு பிரபல நாளிதழில் வெளியான சினிமாப் பற்றியத் தகவல். அப்படி இந்த தகவலில் நம்மை சற்று ரசிக்கவும் சற்று கண்கள் கலங்கவும் வைக்கப்போகும் இந்த சினிமா கலைஞன் யார்..??!!.

ஒரு காலத்தில் கண்ணாடியை மாட்டி சற்று அமுக்கிவிட்டாலே போதும் உடனே அனைவரும் இவரின் பெயரை சொல்லி விடுவார்கள். ”ங்...... அதாவது பார்த்தீங்கன்னா.. இது கொஞ்சம் விவகாரமான விஷயம்தான். ஆனால் இல்வாழ்க்கைக்கு மிகவும் அவசியமான விஷயம் என்று நாகரீகமாகவும், நகைச்சுவையாகவும் பட்டித்தொட்டி எங்கும் பிரபலமடையச் செய்தவர். துவண்டு போய் இருந்த முருங்கைக்காய் விற்பனையை தன்னுடைய ”முந்தானை முடிச்சு” படம் மூலம் தூக்கி நிறுத்திய பெருமை இவரை சாரும் என்றால் அது மிகையாகாது. சரி இனியும் புதிர் வேண்டாம்.

‎''ஹீரோ ஆகணும்னா பார்க்க லட்சணமா அழகா இருக்கணும்..!''

'கிழக்கே போகும் ரயில்' வளர ஆரம்பித்தபோது, பாக்யராஜை தனக்கு வசனம் எழுத உதவியாக வைத்துக்கொண்டதோடு, உதவி டைரக்டராகவும் பிரமோஷன் கொடுத்தார் பாரதிராஜா. அந்தப் படத்திற்கு ஒரு பாட்டையும் எழுதி, இரண்டு சீன்களில் நடிக்கவும் செய்தார் பாக்யராஜ்.

தான் சினிமாவில் சேர்ந்துவிட்ட செய்தியைத் தெரிவித்து தன் அம்மாவிடம் ஆசி பெற வந்தார் பாக்யராஜ். 'கிழக்கே போகும் ரயில்' படத்தைப் பார்த்துவிட்டு, ''நீ இரண்டு மூணு சீன்தானே வரே! ஏன் ஹீரோவா நடிக்கல?'' என்று அம்மா கேட்டார். ''ஹீரோவாகணும்னா நல்லா லட்சணமா, பார்க்க அழகா இருக்கணும்மா!'' என்று இவர் பதில் சொன்னார். உடனே, ''நீ நல்லாத் தாண்டா இருக்கே. நீ வேணா பாரு, நீ ஹீரோவா வரத்தான் போறே!'' என்று ஆசீர்வதித்தார் அம்மா.

'புதிய வார்ப்புகள்' படத்திற்கு ஹீரோ தேடிக்கொண்டிருந்தார் பாரதிராஜா. ஒருநாள், ஸ்டில் போட்டோகிராபர் லட்சுமிகாந்தன், ''உங்களுக்குக் கண்ணாடி போட்டு ஒரு ஸ்டில் எடுக்கச் சொல்லியிருக்கார் டைரக்டர்'' என்று சொன்னபோது, ஏதோ விளையாட்டுக்குச் சொல்கிறார் என்று முதலில் நினைத்தார் பாக்யராஜ். ஆனால், தான்தான் 'புதிய வார்ப்புகள்' படத்தின் ஹீரோ என்பதை அறிந்தவுடன் அவருக்கு இன்ப அதிர்ச்சி!

''என் அம்மாவுக்கு 'உன் ஆசை நிறைவேறிவிட்டது'ன்னு உடனே லெட்டர் போட்டேன். ஆனால், படம் வெளிவரும்போது அதைப் பார்த்துச் சந்தோஷப்பட என் அம்மா உயிரோடு இல்லை'' என்று கண் கலங்கினார் பாக்யராஜ்.

என்ன நண்பர்களே..!! இன்றைய சினிமாப் பற்றியத் தகவலும் உங்கள் அனைவரையும் கவர்ந்திருக்கும் என்று நம்புகிறேன். பிடித்திருந்தால் மறக்காமல் உங்களின் கருத்துக்களை பகிர்ந்துவிட்டு செல்லுங்கள். இன்னும் அதிகம் அறிந்துகொள்வோம் .

நேசத்துடன்

பனித்துளி சங்கர்.

* * * * * * *

இதழ்கள் யுத்தம் - தமிழ் காதல் கவிதைகள், Tamil Kadhal Kavithaigal Panithuli shankar

2011-08-10T22:19:00.000+09:00

இரண்டுக் குடைக்குள்

ஒற்றை முத்தம் !..

இதயம் இரண்டில்

ஒன்றாய் யுத்தம் !..

இதழ்கள் இரண்டில்

புதிதாய் சத்தம் !.

இன்னும் நீளும்

இந்த காதல் பித்தம் !....

- பனித்துளி சங்கர்

எல்லாம் ஒரு விளம்பரம்தான் - நகைச்சுவைத் தகவல்கள் - Advertisement Technical

2011-08-09T23:16:00.002+09:00

அனைத்து உறவுகளுக்கும் பனித்துளி சங்கரின் வணக்கங்கள். மீண்டும் உங்கள் அனைவரையும் இன்று ஒரு புதிய தகவலின் வாயிலாகவும், நான் எழுதும் ஒவ்வொரு பதிவிலும் உங்கள் அனைவரையும் சந்திப்பதில் பெரும் மகிழ்ச்சி. அனைவருக்கும் பனித்துளி சங்கரின் வணக்கங்கள் என்று சொல்லி முதலில் தொடங்குவது உண்டு. பல நண்பர்கள் கூட இதைப் பற்றி அதிகமாகக் கேட்டும் இருக்கிறார்கள். இதற்காக மிகப்பெரிய காரணம் ஒன்றும் சொல்ல இயலாவிட்டாலும் இப்பொழுது உள்ள நவீனத்துவத்தில் இது போன்று மீண்டும் மீண்டும் ஒரே மாதிரியாக எதற்காக கேட்கவேண்டும் என்று எண்ணலாம். நாளை என்பதன் மீது இருக்கும் ஏதோ ஒரு நம்பிக்கையில் மட்டுமே இன்றையப் பொழுதை மிகவும் யதார்த்தமாகக் கடந்துக் கொண்டிருக்கிறோம்.

ஒரு வேலை நாளை என்பது மட்டுமே நமக்குள் இறுதியாகிப்போனால் இன்றையப்பொழுதும் நமக்கு நரகம்தான். அதனால்தான் தினமும் விடியும் ஒவ்வொரு நாட்களையும் ஒரு புதுமையுடன் ஏற்று உங்களை சந்திப்பதில் எனக்குள் ஒரு மகிழ்ச்சி. இந்த வார்த்தைகளை நமது தாய் தந்தையுடனும் ஒப்பிடலாம். ஆயிரம் மாற்றங்கள் வந்தாலும் உறவுகளின் அழைப்பிதல் ஒரு போதும் மாறப்போவதில்லை. சரி இந்த சுய புராணம் ஒரு பக்கம் இருக்கட்டும். இன்று நாம் தகவலுக்கு வருவோம். கடந்த குட்டித் தகவல் என்றப் பதிவில் விளம்பரங்கள் பற்றிய ஒரு சுவாராஸ்யமானத் தகவல் ஒன்றைத் தந்திருந்தேன். இந்தப் பதிவும் விளம்பரங்கள் பற்றியதுதான்.

இன்று விளம்பரங்கள் இல்லாத தொழிலோ அல்லது சினிமாவோ அல்லது அரசியலோ என இப்படி இன்னும் பல நூறு அல்லது பல்லாயிரம் என்று பலத் துறைகளைப் பற்றி சொல்லிகொண்டேப் போகலாம் அந்த அளவிற்கு விளம்பரங்கள் இல்லாமல் வளர்ச்சி அடைந்த எந்த தொழிலும் இல்லை என்று சொல்லலாம். பூகம்பமும், சுனாமியும் ஏற்படுவதை கூட இப்பொழுது விளம்பரமாக சித்தரிக்கத் தொடங்கிவிட்டார்கள் அந்த அளவிற்கு தினந்தோறும் வியாபார யுத்திகள் நிமிடத்திற்கு ஒரு மாற்றத்தைக் கண்டு கொண்டிருக்கிறது .

விளம்பரங்கள் என்று சொன்னவுடன் நான் மறக்க இயலாத ஒரு நிகழ்வு இப்பொழுது எனக்கு ஞாபகத்திற்கு வருகிறது. பொதுவாக இப்பொழுது வெளியிடப்படும் விளம்பரங்களின் கருத்து என்னவென்றே பலருக்கு புரிவதில்லை அந்த அளவிற்கு சம்மந்தமே இல்லாத பல புனைவுகளை விளம்பரங்களில் ஏற்படுத்தி மக்களை குழப்பிய வண்ணம் இருக்கிறார்கள். நானும் குழம்பிய ஒரு விளம்பரம் உண்டு. அந்தக் காலக்கட்டத்தில் கொசுக்களின் பிரச்சினை மிகவும் தலை தூக்கி இருந்தது. இப்ப மட்டுமென்ன தலைகுனிந்தா இருக்குனெல்லாம் கேட்கப்படாது. ஒகெ ஹி..ஹி..ஹி..) தினமும் ஒரு புதிய கொசு விரட்டிகளை அறிமுகம் செய்த காலம். நீங்களும் அறிந்திருப்பீர்கள்.

அப்பொழுது ஆல் அவுட் என்ற பெயரில் ஒரு கொசுவர்த்தியின் விளம்பரம் மிகவும் பரபரப்பாகப் பேசப்பட்டது . இதற்கு முக்கியக் காரணம் அவர்களின் விளம்பரத் தந்திரம் என்றுதான் சொல்லவேண்டும். இதை பற்றி அனைவருக்கும் தெரியும் என்று நினைக்கிறேன் தெரியாதவர்களுக்கு இந்த ஆல் அவுட் கொசு விரட்டியின் விளம்பர சுருக்கம்.

இந்த கொசு விரட்டியை வாங்கி மின்சாரத்தில் பொருத்தியவுடன் இரவில் வரும் கொசுக்களை தவளை போன்ற ஒன்று திடீர் என்று தோன்றி எம்பி எம்பி கொசுக்களை பிடித்து கொல்வதுபோல விளம்பரம் செய்திருந்தார்கள். நானும் அந்த விளம்பரத்தைப் பார்த்த ஆர்வத்தில் மூன்று ஆல் அவுட் கொசு விரட்டிகளை வாங்கி சென்று வீட்டில் பொருத்திவிட்டு விடியும் வரை இன்னும் தவளை குதிக்கவில்லை குதிக்கவில்லை என்று காத்திருந்து ஏமாந்து போய் விடிந்ததும் கோபத்தில், அதனை வாங்கிய கடைக்காரரிடமே இதில் தவளை தாவவில்லை என்று சொல்லிக் காசு கேட்டு சண்டை போட்ட ஞாபகம் இன்றும் மறந்துபோகாத ஒன்று.

சரி நண்பர்களே..! சொல்ல வந்த தகவல் மறந்து போனது சரி இனித் தகவலுக்கு வருவோம் . விளம்பரம் பற்றி நமக்கு அதிகம் தெரிந்திருந்தாலும் நம்மில் பலருக்குத் தெரியாத பல புதிய விஷயங்கள் உண்டு. நம்மில் எத்தனை பேருக்கு விளம்பர உலகில் முதன் முதலில் பயன்படுத்தப்பட்ட ஸ்லோகன் பற்றி தெரியும் என்று தெரியவில்லை. தெரியாதவர்கள் தெரிந்துகொள்ளுங்கள். நீங்கள் ”தொட விரும்பும் சருமம்” ( The skin you love to touch ) என்பதுதான் விளம்பர உலகில் எழுதப்பட்ட முதல் ஸ்லோகன் என்றால் பார்த்துக் கொள்ளுங்கள் .

விளம்பரம் பற்றிய இன்றையத் தகவலும் உங்கள் அனைவரையும் ரசிக்க வைத்திருக்கும் என்று நம்புகிறேன். மீண்டும் ஒரு அரியத் தகவலுடன் விரைவில் சந்திக்கிறேன்.

நேசத்துடன்

பனித்துளி சங்கர்.

* * * * * * *

New காதல் கவிதைகள் - நிலா காதல் - Panithuli shankar kadhal kavithaigal in tamil

2011-08-04T20:59:00.000+09:00

தெரியும் என்று

சொல்லிக்கொள்ளவோ,

தெரியாது என்று

சொல்லிக்கொள்ளவோ,

தெரியவில்லை..!

நடு நிசியில்,

நிசப்த ஓசையில்

தனித்து தவிக்கிறது நிலவொன்று

”நீ” இல்லாத

”என்னை” போலவே..!!

- பனித்துளி சங்கர்

விண்வெளி மனிதர்கள் - வியப்பான ஒரு சுவராஸ்யம் - இன்று ஒரு தகவல் - Panithuli shankar -Wonders of Space - Moon travel

2011-08-03T21:03:00.005+09:00

அனைவருக்கும் வணக்கம். இப்பொழுதெல்லாம் பூமியில் நடத்தப்படும் ஆராய்ச்சிகளை விட விண்ணில் நடத்தப்படும் ஆராய்ச்சிகள் தான் அதிகம் அந்த அளவிற்கு மதுரை டூ தேனி என்பது போல மண்ணுலகம் டூ விண்ணுலகம் என்ற அளவில் மிகவும் சாதாரணமாக பயணிக்கத் தொடங்கிவிட்டனர். சரி அப்படி இந்த நிலவுக்கு சென்று வர எவ்வளவுதான் டிக்கெட் கேட்பார்கள் என்று யாருக்கேனும் தெரிந்து கொள்ளவேண்டும் என்றால் சற்று உங்களின் இதயங்களை பாதுகாப்பாகப் பார்த்துகொள்ளுங்கள். அந்த அளவிற்கு மிகபெரியத் தொகை சும்மா 35 மில்லியன் டாலர். அதிலும் ஆயிரம் விதிமுறைகள் இவற்றில் தேர்வு செய்யப்பட்டால் மட்டுமே அங்கு செல்ல முடியுமாம்.

முதன்முதலில் விண்வெளிக்குச் சென்ற மனிதன், யூரி ககாரின் என்பவராவார். 1957 ஆம் ஆண்டு அக்டோபர் 4ஆம் தேதி, ரஷ்யா ஆளில்லாத விண்கலமான ஸ்புட்னிக் I -யினை வெற்றிகரமாக விண்ணில் செலுத்தியது. பூமியைச் சுற்றிச் செலுத்தப்பட்ட விண்கலமொன்றில் இவரைச் சுமந்து சென்ற கலமும், 1961 ஆம் ஆண்டு ஏப்ரலில் ரஷ்யாவினாலேயே அனுப்பப்பட்டது.

ரஷ்ய விண்வெளி ஓடம் மூலம் 2007ம் ஆண்டு ஏப்ரலில் ஒருமுறை விண்வெளியை எட்டிப் பார்த்துவிட்டவர்தான் சிமோன்யி. அதற்காக அவர் 25 மில்லியன் டாலர்கள் செலவு செய்தார். இப்போது விண்வெளிக்குச் செல்ல 35 மில்லியன் டாலர் என்று முடிவு செய்திருக்கிறார்கள் .

சரிங்க இதெல்லாம் எதற்கு நமக்கு இப்படி 35 மில்லியன் டாலர் கட்டி நிலவு போறாங்களே அவங்க அங்க சாப்பிட என்ன என்ன கொடுப்பாங்க என்று மட்டும் உங்களுக்கு தெரிந்தது நம்மில் யாருமே விண்ணுக்கு செல்ல கனவில் கூட நினைக்க மாட்டோம். அட பொய்யில்லைங்க உண்மைதான் விதவிதமான உணவுகள் கிடைத்தாலும், விண்வெளி வீரர்கள் பாவம்தான்... விண்வெளியில் புவிஈர்ப்பு விசை கிடையாது என்பதால், அவர்களால் உணவின் வாசத்தை நுகரமுடியாது; ருசியையும் முழு அளவில் உணரமுடியாது. பசியைத் தீர்க்க ஏதாவது விழுங்கியாக வேண்டுமே என்றுதான் சாப்பிட வேண்டியிருக்கும் என்றால் பார்த்துகொள்ளுங்கள்.

எங்கே இப்ப சொல்லுங்க விண்வெளிக்குப் போக ஆசைப்படுற எல்லோரும் கை தூக்குங்க பார்க்கலாம். என்னப்பா ஒருத்தரைக் கூட காணவில்லை.

டிஸ்கி : என்னதான் இருந்தாலும் பூமியைவிட்டு வேற்றுகிரகத்திற்கு சென்று விழுங்குவதிலும் ஒரு சுகம்தான் போல நம்ம பணக்கார பயணிகளுக்கு..!

- நேசத்துடன்

பனித்துளி சங்கர்.

* * * * * * *

Tamil SMS Kadi Jokes - சினி கூத்து கடி ஜோக்ஸ் - Panithuli shankar Tamil Kadi Jokes -SMS Jokes-Tamil Mokkai

2011-07-28T23:10:00.001+09:00

அனைத்து உறவுகளுக்கும் வணக்கம். மீண்டும் தங்களுடன் நகைச்சுவை துணுக்குகளைப் பகிர்ந்து கொள்வதில் மிக்க மகிழ்ச்சியடைகிறேன். சிரிக்கும் போது ஆழமாக மூச்சை இழுக்க முடிவதால் உடல் கூடிய ஒட்சிசனை உள்வாங்கிக் கொள்கிறது. நோய்எதிர்ப்புச் சக்தி உடலில் அதிகரிக்கிறது. மூளை அதிகமான சந்தோச ஓர்மோன்களை உடலுக்குள் தெளிக்கிறது. ஆனாலும் வாழ்க்கையின் மீதுள்ள ஆர்வம் காரணமாக ஒரு நாளில் குழந்தைகள் சராசரியாக 400தடவைகள் சிரிக்கும் போது பெற்றோர்கள் 15 தடவைகள் மட்டுமே சிரிக்கிறார்கள் என்பது கணிக்கப்பெற்றுள்ளது.

"நகைச்சுவை" சிந்திக்கவும் சிரிக்கவும் வைக்கும் போது உடலில் உள்ள எல்லா நரம்புகளும் சுறுசுறுப்பாக இயங்கத் தொடங்கும். மூளைக்குப் போதிய அளவு செந்நீர்(குருதி) செல்லும். இதனால், சோர்வுற்ற மூளை சுறுசுறுப்படைய உடலில் உள்ள எல்லாப் பகுதிகளுக்கும் 'ஒழுங்காக இயங்கு' என்று கட்டளை போடும். அதனால், உடலுறுப்புக்கள் சீராக இயங்க நோய் எதிர்ப்பு சக்தி கூடும். எனவே, அடிக்கடி நகைச்சுவை கேட்பதாலும் படிப்பதாலும் உள்ளத்தையும் உடலையும் நோய் அணுகாமல் பேணமுடியும்.தங்களது நிறுவன / அலுவலக / வியாபார கவலைகளை மறந்து வாங்க சிறிது நேரம் சிரிக்கலாம்.

அமெரிக்காவில் திருடனை கண்டுபிடிக்கிற மெஷின் கண்டுபிடித்து இருக்கிறார்களாம்.

அந்த மெஷின் இங்கிலாந்துல 30 நிமிஷத்துல 70 திருடர்களை கண்டுபிடிச்சுருக்கு.

பிரான்ஸில் 30 நிமிஷத்துல 100 திருடர்களை கண்டுபிடிச்சுருக்கு.

இந்தியாவில் 15 நிமிஷத்துல அந்த மெஷினையே காணோம்!!

நாமெல்லாம் யாரு..??

* * * * *

MAN 1 : என்னங்க உங்க வீட்டுல எப்பவும் சிரிப்பு சத்தமா கேட்டுக் கிட்டே இருக்குது?

MAN 2 : எம் பொண்டாட்டி எம் மேல ஏதாவது பாத்திரத்த தூக்கி வீசுவா ...எம் மேல பட்டா அவ சிரிப்பா... படாட்டா நான் சிரிப்பேன் .... ஒரே டமாசுதான் போங்க...

* * * * *

தாத்தா......குளிர்காத்து பலமா இருக்கு.

காதுல பஞ்சு வச்சுக்க...!!

ஏண்டா வைக்கலே'ன்னா?

நாங்க உன் மூக்குல பஞ்ச வைக்க

வேண்டியது ஆகிடும்!

* * * * *

உனக்கு ஏது 50 ரூபாய்?''"

"ஓர் இடத்தில பாடினேன். 20 ரூபாய் கொடுத்தாங்க''

மீதி 30 ரூபாய்?''"

பாடுறதை நிறுத்துறதுக்குக் கொடுத்தாங்க''எஸ்

* * * * *

அப்பா: உனக்கு எப்படிப் பட்ட பொண்ணு பார்க்கிறது?

மகன்: நிலா மாதிரி!

அப்பா: நிலா மாதிரின்னா?

மகன்: தினமும் ராத்திரி வரணும்! காலையில போயரனும்!!

* * * * *

மொக்கை சிந்தனை

விஐபி-க்கள் இறந்தா மட்டும் செய்தியா போடுறாங்க ஆனா... விஐபி-க்கள் பொறந்தா ஏன் செய்தியா போடுறதில்லை?

* * * * *

சரி நண்பர்களே..!! இந்த இறுதியான மொக்கை சிந்தனைப் பற்றி யோசித்துக்கொண்டே இருங்க அடுத்த நகைச்சுவை பதிவில் சந்திக்கிறேன்.

நேசத்துடன்,

பனித்துளி சங்கர்.

* * * * *

தமிழ்க் காதல் கவிதைகள் > கடற்கரை ஞாபகங்கள் - Panithuli shankar kadhal kavithai - Love SMS Poem

2011-07-25T21:43:00.000+09:00

மணல் சுமக்கும் கடற்கரை ,

இந்த கன்னம் சுமக்கும் கை விரல் , .

நித்தம் உன் நினைவுகள் சுமக்கும்

இதயம் என மெல்ல நீள்கிறது

இந்த கடற்கரை காட்சிகள்

இன்னும் என்னுள்

கரை தொடாத அலைகளென

கனக்கிறது கைரேகை முழுவதும்

அழியாத உன் ஞாபகங்கள் !...

-பனித்துளி சங்கர்

..!

குட்டித் தகவல்கள் - ஓடாத நோவா கார் (Nova car-Advertisement Tecnical)

2011-07-23T14:06:00.000+09:00

அனைத்து உறவுகளுக்கும் வணக்கம். பொதுவாக நாம் ஒவ்வொருவரும் நமக்குப் பிடித்த ஏதேனும் சிறியப் பொருள்களோ அல்லது விலை உயர்ந்தப் பொருள்களோ எதுவாக இருந்தாலும் வாங்கும்பொழுது அதன் பெயர்களை சற்று உன்னித்துக் கவனிப்பதுண்டு.

அதுபோல்தான் பொருள்களுக்கு பெயர் வைப்பவர்களும் தாங்கள் வியாபாரம் செய்ய விரும்பும் பொருளையோ அல்லது ஏதேனும் தொழில் தொடங்க நினைக்கும் கம்பெனியின் பெயர்களையோ மிகவும் பொறுமையாக ஆராய்ந்து யோசித்து வைப்பது உண்டு.

இப்படி என்னதான் நாம் சில விஷயங்களை மிகவும் கவனத்துடன் யோசித்து பயன்படுத்தினாலும் அதில் ஏதேனும் நமக்குத் தெரியாத சில புதிர்கள் மறைந்திருக்கும் என்பது இன்னும் நம்மில் பலர் அறியாத உண்மை. இதை இப்பொழுது எதற்கு சொல்கிறேன் என்றால்...!!??

இப்படித்தான் ஒரு முறை உலகின் உலகப் புகழ்பெற்ற நோவா கார் நிறுவனம் தயாரித்த புதிய மாடல் கார் ஸ்பானிஷ் நாட்டில் மட்டும் சரியாக விற்கவில்லை. என்ன காரணம் என்று ஆராய்ந்தபோது கிடைத்த விடை..

அந்த மாடலின் பெயர். நோவா என்றால் ஸ்பானிஷ் மொழியில் 'இது ஓடாது' என்று அர்த்தமாம். என்ன நண்பர்களே..!! இது போன்று உங்களில் யாரேனும் புதிய பொருள்களுக்கோ அல்லது தங்களின் புதிய தயாரிப்புகளுக்கோ பெயர் வைக்க முற்படும்பொழுது சற்று யோசித்து வைக்கவும்.

* * * * * * *

கவிதை நிஜங்கள் - பெண் குழந்தை / Panithuli shankar real feeling Kavithaigal In Tamil

2011-07-20T19:11:00.002+09:00

எங்காவது போய்

தொலைந்து போ என்று

எளிதாக சொல்லிவிட்டாய் .,

எனது மொத்த உலகமும்

நீதான் என்று

உனக்கு தெரிந்திருக்க

வாய்ப்புகள் இல்லை .!!!..

- பனித்துளி சங்கர்.

நகைச்சுவைகள் - ஜோக்ஸ் - சிரிப்புகள்..! - Panithuli shankar Tamil sms jokes comedy nagaichuvai virunthu

2011-07-19T20:06:00.010+09:00

அனைத்து உறவுகளுக்கும் வணக்கம். மீண்டும் தங்களுடன் நகைச்சுவை துணுக்குகளைப் பகிர்ந்து கொள்வதில் மிக்க மகிழ்ச்சியடைகிறேன். தங்களது நிறுவன / அலுவலக / வியாபார கவலைகளை மறந்து வாங்க சிறிது நேரம் சிரிக்கலாம்.

* * * * *

ஆசிரியை : எக்ஸாம்ல ஒரு பக்கம்தான் எழுதியிருக்கே கொஞ்சம் கூட வெட்கமா இல்ல உனக்கு?

மாணவன் (ரஜினி விசிறி) : மிஸ் பன்னிங்கதான் பக்கம் பக்கமா எழுதும்.

சிங்கம் சிங்கில் பக்கம்தான் எழுதும்.

* * * * *

பாய்ஸ்-க்கு ஒரு அறிவிப்பு :

கண்ணுல மண்ணு பட்டாலும் சரி பொண்ணு பட்டாலும் சரி தண்ணி வரது நிச்சயம் !!!!!!!

இப்படிக்கு

(கூலிங் கிளாஸ் போட்டு சைட் அடிப்போர் சங்கம்)

* * * * *

பையன்: அம்மா! எதிர் வீட்டு ஆன்டி பேர் என்னம்மா?
அம்மா: விமலா டா...
பையன்: அப்பாவுக்கு இது கூட தெரிய மாட்டேன்குதும்மா. அந்த ஆன்டிய "டார்லிங்"னு கூப்புடுறார்....

* * * * *

நோயாளி : ஹலோ டாக்டர்... உங்களை வந்து பார்க்கணும்...
நீங்க எப்ப ஃப்ரீ?
டாக்டர் : எப்ப வந்தாலும் ஃப்ரீ கிடயாது... பீஸ் வாங்குவேன்.....

* * * * *

போலீஸ்: பஸ் எப்படி விபத்தில் சிக்கியது?
டிரைவர்: அதான் எனக்கும் புரியல சார்... நான் நல்ல தூக்கத்தில இருந்தேன்.

* * * * *

ஆசையே துன்பத்துக்குக் காரணம்னு இப்பதான்
நான் தெரிஞ்சுக்கிட்டேன்!

எப்படி?

என் மனைவியை நான் ஆசைப்பட்டுத் தானே கல்யாணம் பண்ணிக்கிட்டேன்

* * * * *

குட்நைட்!

இவர்கள் எப்படி 'குட்நைட்' சொல்வார்கள்...

விஜய் : "ண்ணா.. குட்நைட்ங்ணா!"

அஜீத் : "எல குட்நைட்ல!"

சிம்பு : "மச்சி... குட்நைட் மச்சி!"

சூர்யா : "ஹாய் மாலினி குட்நைட்!"

சசிகுமார் : "மூடிட்டுப் படுங்கடா நொண்ணைங்களா!"

* * * * *

பிசினஸ் ட்ரிக்ஸ்.-

அமெரிக்க வெள்ளை மாளிகையின் மேற்கூரையில் பெரிய ஓட்டை விழுந்து விட்டது. அதை சரி பண்ண ஜப்பான், சீனா, இந்தியா ஆகிய 3 நாடுகளிடம் இருந்து அரசியல்வாதிகள் வரவழைக்க பட்டிருந்தார்கள்.

ஜப்பான் அரசியல்வாதிகள் சேதத்தை டேப் வைத்து அளந்து விட்டு சில பல கணக்குகள் எல்லாம் போட்டு $900 செலவாகும்ன்னு சொன்னாங்க ( $400 மெடீரியல்களுக்கு $400 டீம்க்கு $100 லாபம்).

சீன அரசியல்வாதிகளும் அதேமாதிரி அளந்து பாத்து கணக்கு போட்டு $700 செலவாகும்ன்னு சொன்னாங்க ($300 மெடீரியல்களுக்கு $300 டீம்க்கு $100 லாபம்)

இந்திய அரசியல்வாதிகள் வந்தாங்க ஒன்னும் அளந்தும் பாக்கல கணக்கும் போடல அமெரிக்க அதிகாரிகளை மேலயும் கீழயும் பாத்துட்டு அவங்களுக்குள்ளயே குசு குசு ன்னு பேசிட்டு $2,700 செலவாகும்ன்னு சொன்னங்க.

அமெரிக்க அதிகாரிகள்.- "அளந்தும் பாக்கல கணக்கும் போடல $2,700 ன்னு சொல்றேங்களே"ன்னு சொன்னாங்க. இந்திய அரசியல்வாதிகள் அவங்க காதுல "$1000 எங்களுக்கு $1000 உங்களுக்கு வேலைக்கு சீனாவில் இருந்து ஆட்களை எடுத்துகளாம்"ன்னு சொன்னாங்க.

டீல் நல்லா இருந்ததால அமெரிக்க அதிகாரிகள் இந்திய அரசியல்வாதிகளுக்கு வேலைய கொடுத்துட்டாங்க. இதுக்கு பேரு தான் பிசினஸ் ட்ரிக்ஸ்.

* * * * *

அரபு தொலைக்காட்சி ஒன்றில் ஒசாமா பின் லேடன் இறக்கும் முன் அனுப்பிய காசட் ஒன்று ஒளிபரப்பானது. அதில், பின் லேடன் கூறியிருப்பது: நாங்கள் தீவிரவாதிகள்தான், ஆனால் எங்கள் தீவிரவாதத்திற்கு ஓர் எல்லை உண்டு. நிச்சயமாக விஜய் பட ரிலீசுக்கும் எங்களுக்கும் எந்த சம்பந்தமும் இல்லை...

* * * * *

இந்த எஸ்எம்எஸை ஸ்மெல் பண்ணு.
உனக்கு கற்பூர வாசனை அடிக்கிறதா?
என்னது இல்லையா?
அதுசரி, சும்மாவா சொன்னாங்க
"கழுதைக்கு தெரியுமா கற்பூர வாசனை!"

* * * * *

இன்று மழை வரும்னு செய்தியில சொன்னாங்க. .. நீங்க கேட்டீங்களா? ... நான் கேக்கல. அவங்களாதான் சொன்னாங்க.

* * * * *

குட்டிக் காதல் கவிதை > எரிமலை >Panithuli shankar kutti kavithai in tamil

2011-07-18T01:53:00.000+09:00

எரிமலையென

தினம் தினம்

வெடிக்கிறது மனது !

அதை தலையில்

கொட்டி கொட்டி

மூடி வைக்கிறது

உன் நினைவு .

- பனித்துளிசங்கர்

! ❤ பனித்துளி சங்கர் ❤ !

பனித்துளி சங்கர் தமிழ் கவிதைகள், Tamil Kavithaigal SMS Love poem Panithuli shankar 2012

பனித்துளி சங்கர் - நினைவுகள் ஆயிரம் சார்லி சாப்ளின் - Charlie chaplin Real Life

பனித்துளி சங்கர் காதல் கவிதை - Kadhal Kavithai / Love Poem - முகவரி மரணம்

2012 புத்தாண்டு வாழ்த்துக்கள் வாழ்த்துக்கள் கவிதைகள் - பனித்துளி சங்கர் 2012 new years kavithaigal

பனித்துளி சங்கர் - கின்னஸ் சாதனை புத்தகம் வரலாறு - Guinness book of world records Panithuli shankar

பனித்துளி சங்கர் காதல் கவிதைகள் -நிழல்கள் - நினைவுகள் - Tamil Kadhal akavithaigal 09.12.2011

Why This Kolaveri Di Full Song Promo Video in HD - ஒய் திஸ் கொலை வெறி டி -3 movie Panithuli shankar songs collection 26 April 2011

நம்பிக்கை கவிதைகள் - வாழ்வின் ருசி - பனித்துளிசங்கர் Nambikkai kavithaigal in tamil

காதல் புன்னகை - Kadhal Kavithaigal - பனித்துளி சங்கர் -Tamil Haiku SMS காதல் கவிதைகள் Panithuli shankar

மயக்கம் என்ன >Mayakkam enna Watch movie Songs - Naan Sonnadhum Mazhlai - Panithuli shankar songs collection

இதயத்தின் ஓசைகள் - காதல் கவிதைகள் - Panithuli shankar Kadhal kavithaigal

ஜோக்ஸ் நகைச்சுவை சிரிப்பு - கடி ஜோக்ஸ் கதைகள் - Tamil Jokes - Comedy -SMS Nagaichuvai - Panithuli shankar

இன்று ஒரு தகவல் - விஞ்ஞான வளர்ச்சியை விஞ்சும் அதிசயங்கள் - Panithuli shankar in Amazing news

காதல் அந்த நாள் ஞாபகம் - Panithuli shankar Kadhal Kavithaigal - காதல் கவிதைகள்

இன்று ஒரு தகவல் - பாகிஸ்தான் பெயருக்கான விளக்கம் - Explanation for the name of Pakistan - Panithuli shankar

மரம் தின்ற மனிதர்கள் - பனித்துளி சங்கர் கவிதைகள் - Maram thinra manithargal Kavithaigal

சிரிப்பு விற்பவன் - Panithuli shankar tamil kadi jokes - நகைச்சுவை -ஜோக்ஸ்- கடி -காமெடி

பசி கவிதைகள் > சிதறும் உயிர்கள் - Panithuli shankar varumai kavithaigal in tamil

நிலவில் கால் பதித்த முதல் மனிதர் நீல் ஆர்ம்ஸ்ட்ரா​ங் இல்லை..!! - Moon first - Indru oru thagaval

Tamil jokes - தமிழ் SMS ஜோக்ஸ் -காதல் நகைச்சுவைகள்- மொக்கை லொள்ளு

நீ வானம் நான் பூமி - காதல் கவிதைகள் - Tamil New Kadhal kavithaigal panithuli shankar

ஞாபகத் தூறல் - காதல் கவிதைகள் > Panithuli shankar Tamil New Kadhal Kavithaigal

இன்று ஒரு தகவல் - உலகின் முதல் அஞ்சற்தலை வரலாறு -World first stamp history > Panithuli shankar

காதல் துளிர் - முடிவில்லா காதல் கவிதை விழா - Panithuli shankar Tamil SMS kadhal kavithaigal 2011

தமிழ் சினிமா ஒரு பார்வை (1981) - பாக்யராஜ் சினிமா முதல் படி..! (Tamil Cinima Director Bakkiyaraj first movie)

இதழ்கள் யுத்தம் - தமிழ் காதல் கவிதைகள், Tamil Kadhal Kavithaigal Panithuli shankar

எல்லாம் ஒரு விளம்பரம்தான் - நகைச்சுவைத் தகவல்கள் - Advertisement Technical

New காதல் கவிதைகள் - நிலா காதல் - Panithuli shankar kadhal kavithaigal in tamil

விண்வெளி மனிதர்கள் - வியப்பான ஒரு சுவராஸ்யம் - இன்று ஒரு தகவல் - Panithuli shankar -Wonders of Space - Moon travel

Tamil SMS Kadi Jokes - சினி கூத்து கடி ஜோக்ஸ் - Panithuli shankar Tamil Kadi Jokes -SMS Jokes-Tamil Mokkai

தமிழ்க் காதல் கவிதைகள் > கடற்கரை ஞாபகங்கள் - Panithuli shankar kadhal kavithai - Love SMS Poem

குட்டித் தகவல்கள் - ஓடாத நோவா கார் (Nova car-Advertisement Tecnical)

கவிதை நிஜங்கள் - பெண் குழந்தை / Panithuli shankar real feeling Kavithaigal In Tamil

நகைச்சுவைகள் - ஜோக்ஸ் - சிரிப்புகள்..! - Panithuli shankar Tamil sms jokes comedy nagaichuvai virunthu

குட்டிக் காதல் கவிதை > எரிமலை >Panithuli shankar kutti kavithai in tamil

நிலவில் கால் பதித்த முதல் மனிதர் நீல் ஆர்ம்ஸ்ட்ராங் இல்லை..!! - Moon first - Indru oru thagaval